రామాపురంలో పల్లెపండుగ ఏర్పాట్లు పరిశీలన

ముఖ్యమంత్రి పర్యటనకు పకడ్బందీ ఏర్పాట్లు

 మంత్రి బీసీ జనార్దన్‌రెడ్డి, ఎమ్మెల్యేలు, ముఖ్య నేతలతో కలిసి పరిశీలించిన విద్యుత్ శాఖ మంత్రి గొట్టిపాటి రవికుమార్

భారీ సభకు అధికార యంత్రాంగం సమాయత్తం

సూర్య ప్రతినిధి, ఒంగోలు : 

నెల్లూరు జిల్లా వరికుంటపాడు మండలం రామాపురం గ్రామంలో ముఖ్యమంత్రి నారా చంద్రబాబు నాయుడు పర్యటన సందర్భంగా జరుగుతున్న ఏర్పాట్లను రాష్ట్ర విద్యుత్‌ శాఖ మంత్రి గొట్టిపాటి రవికుమార్‌ పరిశీలించారు. సహచర మంత్రి బీసీ జనార్దన్‌రెడ్డి, ఎమ్మెల్యేలు, ముఖ్య నేతలతో కలిసి సభా ప్రాంగణం, ఇతర ఏర్పాట్లను పరిశీలించి అధికారులకు పలు సూచనలు చేశారు. ముఖ్యమంత్రి పర్యటన విజయవంతంగా జరిగేలా అన్ని విభాగాలు సమన్వయంతో పనిచేయాలని సూచించారు. సభకు వచ్చే ప్రజలకు ఎలాంటి ఇబ్బందులు కలగకుండా అవసరమైన ఏర్పాట్లు చేపట్టాలని అధికారులను ఆదేశించారు. ముఖ్యమంత్రి పర్యటన నేపథ్యంలో రామాపురంలో భద్రత, పార్కింగ్‌, తాగునీరు, ఇతర మౌలిక వసతుల ఏర్పాట్లపై ప్రత్యేక దృష్టి సారించారు.