టీడీపీలోకి 10 కుటుంబాలు!. * ఆహ్వానించిన ఎమ్మెల్యే బగ్గు రమణమూర్తి *

నరసన్నపేట, సూర్య : నరసన్నపేట మండలంలో వైఎస్సార్‌ కాంగ్రెస్‌ పార్టీకి ఎదురుదెబ్బ తగిలింది. మండలంలోని వి.ఎన్‌.పురం పంచాయతీ పరిధిలోని చేనువలస గ్రామానికి చెందిన వైఎస్సార్‌సీపీ నాయకులు, కార్యకర్తలు 10 కుటుంబాలుగా తెలుగుదేశం పార్టీలో చేరారు. ఎమ్మెల్యే బగ్గు రమణమూర్తి సమక్షంలో వీరంతా టీడీపీ కండువాలు కప్పుకుని పార్టీలో చేరారు. చేనువలస గ్రామానికి చెందిన మాజీ ఉపసర్పంచ్ సరిపల్లి మన్మధరావు, మాజీ వార్డు సభ్యులు సరిపల్లి అమ్మడు, సరిపల్లి రాజుతో పాటు పాలబోయిన నీలం రాజు, రుప్ప అప్పలనాయుడు, రుప్ప వెంకటరమణ, బెవర రాంబాబు తదితరులు వైఎస్సార్‌సీపీని వీడి టీడీపీలో చేరిన వారిలో ఉన్నారు. ఈ సందర్భంగా ఎమ్మెల్యే బగ్గు రమణమూర్తి వారికి టీడీపీ కండువాలు కప్పి పార్టీలోకి ఆహ్వానించారు. ఈ కార్యక్రమంలో జిల్లా తెలుగుదేశం పార్టీ కార్యదర్శి పూతి రమణ, మార్కెట్ కమిటీ డైరెక్టర్ సురవరం వెంకటరమణ, ముద్దాడ మల్లికార్జునరావు, దుంగ ప్రసాద్, సరిపల్లి జనార్ధనరావు, ప్రకాశ్, సురవరం సీతన్నాయుడు, గేదెల కేశవమూర్తి, యారబాటి అప్పారావుతో పాటు పలువురు టీడీపీ నాయకులు, కార్యకర్తలు, అభిమానులు పాల్గొన్నారు.

రిపోర్టర్ : గోపాల్ కృష్ణ, నరసన్నపేట, శ్రీకాకుళం జిల్లా.