టీడీపీకి బిగ్ షాక్‌.. వైఎస్సార్‌సీపీలోకి 156 కుటుంబాలు చేరిక!
నరసన్నపేట, సూర్య : శ్రీకాకుళం జిల్లా నరసన్నపేట నియోజకవర్గంలో జలుమూరు మండలం అల్లాడ పంచాయతీ, పరిసర ప్రాంతాలకు చెందిన 156 కుటుంబాలు ఈరోజు వైఎస్సార్ కాంగ్రెస్ పార్టీలో చేరాయి. ఈ సందర్భంగా మాజీ ఉప ముఖ్యమంత్రి ధర్మాన కృష్ణదాస్, యువ నాయకులు డాక్టర్ ధర్మాన కృష్ణచైతన్య పార్టీ కండువాలు కప్పి వారిని సాదరంగా పార్టీలోకి ఆహ్వానించారు. ఈ సందర్భంగా వారు మాట్లాడుతూ, వైఎస్సార్ కాంగ్రెస్ పార్టీ ప్రజల పక్షాన నిలుస్తూ, ప్రజా సమస్యల పరిష్కారానికి నిరంతరం కృషి చేస్తుందని తెలిపారు. పార్టీలో చేరిన ప్రతి ఒక్కరికీ తగిన గౌరవం కల్పిస్తూ, పార్టీ బలోపేతానికి అందరూ కలిసికట్టుగా పనిచేయాలని పిలుపునిచ్చారు. అల్లాడ పంచాయతీ పరిసర ప్రాంతాల నుంచి 156 కుటుంబాలు పార్టీలో చేరడం పట్ల స్థానిక వైఎస్సార్‌సీపీ నాయకులు, కార్యకర్తలు హర్షం వ్యక్తం చేశారు. ఈ కార్యక్రమంలో ధర్మాన రామదాస్ గారు స్థానిక పార్టీ నాయకులు, కార్యకర్తలు పాల్గొన్నారు.
రిపోర్టర్ : గోపాల్ కృష్ణ, నరసన్నపేట, శ్రీకాకుళం జిల్లా.
