గుంటూరు: కార్పొరేషన్ ఎన్నికల ప్రచారంలో ఆసక్తికర దృశ్యం

గుంటూరు కార్పొరేషన్ ఎన్నికల ప్రచారంలో ఆసక్తికర పరిణామం చోటు చెేసుకుంది.12వ డివిజన్లో వైసీపీ కార్పొరేటర్ అభ్యర్థితో గుంటూరు జిల్లా వైసీపీ పార్టీ అధ్యక్షుడు అంబటి రాంబాబు ప్రచారం నిర్వహిస్తున్న సమయంలో  టీడీపీ కార్పొరేటర్ అభ్యర్థికి మద్దతుగా ప్రచారం నిర్వహిస్తున్న టిడిపి నేతలు ఎదురుపడ్డారు. వారిని ఆత్మీయంగా పలకరించిన అంబటి రాంబాబు ఇరు పార్టీల కార్పొరేటర్ అభ్యర్థులతో కరచాలనం చేయించారు. గొడవలకు దూరంగా ఇరు పార్టీల అభ్యర్థులు శాంతియుత వాతావరణంలో ప్రచారం చేసుకోవాలని, అందరికీ ఆదర్శంగా నిలవాలని అంబటి రాంబాబు అన్నారు. 

అనిల్ కాంత్.కె ….. గుంటూరు ప్రతినిథి