పరవాడ జెడ్పీటీసీ అభ్యర్థిగా చింతకాయల సుజాత ముత్యాలు నామినేషన్

పరవాడ ఉమ్మడి ఎన్డీఏ కూటమి జెడ్పీటీసీ అభ్యర్థి చింతకాయల సుజాత ముత్యాలు శుక్రవారం అనకాపల్లి జిల్లా పరిషత్ కార్యాలయంలో నామినేషన్ దాఖలు చేశారు. అభిమానులు, నాయకులు, కార్యకర్తలతో ర్యాలీగా చేరుకుని ఎన్నికల అధికారులకు నామినేషన్ పత్రాలు సమర్పించారు.
ఈ కార్యక్రమంలో జనసేన పార్టీ మండల ఇన్‌చార్జ్ పంచకర్ల ప్రసాద్, ఎంపీటీసీ అభ్యర్థి బుగుడి రామ గోవిందరావు, మాజీ జెడ్పీటీసీ పైల జగన్నాథరావు, తాణాం మాజీ సర్పంచ్ కన్నూరు వెంకటరమణ, టీడీపీ మండల అధ్యక్షుడు వియ్యపు చిన్న తదితర కూటమి నాయకులు, కార్యకర్తలు పాల్గొన్నారు. పెద్ద సంఖ్యలో తరలివచ్చిన అభిమానులు సుజాత ముత్యాలుకు మద్దతు తెలిపారు.