andhrapradesh
తప్పిపోయిన ఇద్దరు బాలుర ఆచూకీ లభ్యం. # మహబూబ్‌నగర్ రైల్వే స్టేషన్‌లో ఆచూకీ గుర్తింపు.
తప్పిపోయిన ఇద్దరు బాలుర ఆచూకీ లభ్యం.
# మహబూబ్‌నగర్ రైల్వే స్టేషన్‌లో ఆచూకీ గుర్తింపు.
రేణిగుంట మేజర్ న్యూస్: రేణిగుంట పట్టణంలో అదృశ్యమైన ఇద్దరు బాలుర ఆచూకీ లభించడంతో కుటుంబ సభ్యులు ఊపిరిపీల్చుకున్నారు. బుగ్గ వీధికి చెందిన జి. పాండురంగ (12), పి. గణేష్ రెడ్డి (15) అక్టోబర్ 2న కనిపించకుండా పోవడంతో పోలీసులను ఆశ్రయించిన తల్లిదండ్రుల ఫిర్యాదుతో రంగంలోకి దిగిన రేణిగుంట పోలీసులు దర్యాప్తు చేపట్టారు. ఈ క్రమంలో తెలంగాణ రాష్ట్రంలో మహబూబ్‌నగర్ రైల్వే స్టేషన్‌లో శనివారం రాత్రి 11 గంటల సమయంలో బాలుర ఆచూకీ గుర్తించినట్టు రేణిగుంట అర్బన్ సీఐ జయచంద్ర పత్రికా ప్రకటన ద్వారా తెలిపారు. వెంటనే అక్కడికి చేరుకున్న పోలీసులు ఇద్దరు బాలురను సురక్షితంగా తీసుకువస్తున్నారు.
