సుధాకర్స్ ఐడియల్లో దీపావళి సంబరాలు

కృష్ణలంక మేజర్ న్యూస్ : కృష్ణలంకలోని సుధాకర్స్ ఐడియల్ స్కూల్లో దీపావళి పండుగను పురస్కరించుకుని చిన్నారులు, ఉపాధ్యాయులు కలిసి సంబరాలను ఘనంగా నిర్వహించారు. ఈ సందర్భంగా పాఠశాల ప్రాంగణంలో పండుగ వాతావరణం నెలకొంది. ముందుగా చిన్నారులతో సంప్రదాయబద్ధంగా లక్ష్మీదేవి పూజ నిర్వహించి, అమ్మవారికి ప్రత్యేక పూజలు చేశారు. అనంతరం చిన్నారుల చేత కాకరపువ్వొత్తులు వెలిగించారు. రంగురంగుల వెలుగులతో చిన్నారులు ఎంతో ఉత్సాహంగా దీపావళి వేడుకల్లో పాల్గొన్నారు. పండుగ విశిష్టతను తెలియజేస్తూ ఆనందం, ఐకమత్యం, పరస్పర సంతోషాలను పంచుకోవాలని ఉపాధ్యాయులు చిన్నారులకు వివరించారు. ఈ వేడుకల్లో పాఠశాల చైర్మన్ జామి సుధాకర్ రెడ్డి, డైరెక్టర్ దేవినేని వరలక్ష్మి, ప్రిన్సిపాల్ రామకోటేశ్వరరావు, ఉపాధ్యాయినులు, పాఠశాల సిబ్బంది తదితరులు పాల్గొన్నారు.   

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.