మచిలీపట్నంలో ఈనెల 10న జాబ్‌మేళా
మచిలీపట్నం మేజర్ న్యూస్ : నిరుద్యోగ యువతకు ఉద్యోగ అవకాశాలు కల్పించేందుకు ఆంధ్రప్రదేశ్ రాష్ట్ర ఉపాధి, శిక్షణ శాఖ ఆధ్వర్యంలో ఈనెల 10వ తేదీ మంగళవారం ఉదయం 9 గంటలకు మచిలీపట్నంలోని దిమ్మల సెంటర్, ప్రభుత్వ వైద్య కళాశాల రోడ్డు వద్ద జాబ్‌మేళా నిర్వహించనున్నట్లు జిల్లా కలెక్టర్ డీకే బాలాజీ తెలిపారు. నిరుద్యోగ యువత ఈ అవకాశాన్ని సద్వినియోగం చేసుకోవాలని సూచించారు. ఈ జాబ్‌మేళాలో యాక్సిస్ బ్యాంక్ లిమిటెడ్, టెక్నోటాస్క్ బిజినెస్ సొల్యూషన్ ప్రైవేట్ లిమిటెడ్, బంధన్ బ్యాంక్ లిమిటెడ్, వరుణ్ మోటార్స్ ప్రైవేట్ లిమిటెడ్, మెడ్‌ప్లస్, టాటా ఎలక్ట్రానిక్స్ లిమిటెడ్, నవత రోడ్ ట్రాన్స్‌పోర్ట్, ముత్తూట్ మనీ లిమిటెడ్, అడెక్కో ఇండియా ప్రైవేట్ లిమిటెడ్, ఎల్విన్ ఎనర్జీ ప్రైవేట్ లిమిటెడ్, డైకిన్ తదితర ప్రముఖ సంస్థలు పాల్గొననున్నాయని, 400కు పైగా ఉద్యోగాలకు ఇంటర్వ్యూలు నిర్వహించనున్నట్లు జిల్లా ఉపాధి, నైపుణ్యాభివృద్ధి అధికారి వై. సత్యబ్రహ్మం తెలిపారు. పదో తరగతి, ఇంటర్మీడియట్, ఐటీఐ, డిప్లొమా, డిగ్రీ పూర్తిచేసిన 18 నుంచి 35 ఏళ్లలోపు అభ్యర్థులు ఈ ఉద్యోగాలకు అర్హులని పేర్కొన్నారు. ఎంపికైన వారికి మంచి వేతనంతో పాటు ఇతర సౌకర్యాలు కల్పించనున్నట్లు తెలిపారు. ఆసక్తి, అర్హత కలిగిన అభ్యర్థులు ముందుగా https://naipunyam.ap.gov.inవెబ్‌సైట్‌లో పూర్తి వివరాలతో తప్పనిసరిగా నమోదు చేసుకోవాలి. జాబ్‌మేళాకు హాజరయ్యే సమయంలో రెజ్యూమ్ లేదా బయోడేటాతో పాటు ఆధార్ కార్డు, ఆధార్‌కు అనుసంధానమైన ఫోన్ నంబర్, పాన్ కార్డు, విద్యార్హతల ధ్రువపత్రాల జిరాక్స్ ప్రతులు తీసుకురావాలని సూచించారు. మరిన్ని వివరాలకు 99664 89796, 96665 43412, 97042 16211 నంబర్లను సంప్రదించాలని అధికారులు తెలిపారు.
స్టాఫ్ రిపోర్టర్: ✍️ ప్రేమ్ రాజ్, మచిలీపట్నం నియోజకవర్గం, కృష్ణాజిల్లా.
