స్థానిక సంస్థల జోరు.. రెబల్స్ తో పోరు

ఆమదాలవలస, సూర్య : ఆమదాలవలస మండలం స్థానిక సంస్థ ఎన్నికల్లో రెబల్స్ పోరుతో ప్రధాన పార్టీలకు ఇరకాటం తప్పడం లేదు. 13 ఎంపీటీసీ స్థానాలకు టిడిపి నుంచి 25, వైసిపి 36, జనసేన 5, కాంగ్రెస్ పార్టీ 2, బిజెపి 1, ఇండిపెండెంట్ 4 మంది అభ్యర్థులు నామినేషన్లు అందజేశారు. వీరిలో కూటమి తరపున జనసేన రెబల్స్, వైకాపా తరఫున ఇండిపెండెంట్ లు నామినేషన్లు వేయడంతో వారిని విత్ డ్రా చేసుకునేందుకు బుజ్జగింపుల పర్వం కొనసాగుతుంది. దీంతోపాటు అక్కడక్కడ కాంగ్రెస్ పార్టీ, బిజెపి నామినేషన్లు వేయడంతో ప్రధాన అభ్యర్థులకు గుబులు పుడుతుంది. నామినేషన్ల పరిశీలన అనంతరం విత్ డ్రా చేసుకునేందుకు అవకాశం ఉంది. రెబల్స్ అభ్యర్థులను విత్ డ్రా చేసేందుకు రకరకాల ప్రయత్నాలు జరుగుతున్నాయి. స్థానిక సంస్థల ఎన్నికల్లో గెలుపుకు కొన్ని ఓట్ల తేడాతో అవకాశం ఉన్నందున రెబల్స్ వలన గెలుపుపై ప్రభావం పడుతుందని ఆశాభావం వ్యక్తం చేస్తున్నారు. ఆమదాలవలస మండలంలో ఎన్నికల వేడి రోజు రోజుకు హీట్ ఎక్కుతుంది. ఎన్నికల బరిలో ఎక్కువమంది అభ్యర్థులు ఉన్నందున ఇబ్బందులు తప్పవని గ్రామాల్లో రహస్యంగా విత్ డ్రా ల కోసం ముమ్మర ప్రయత్నాలు కొనసాగిస్తున్నారు. ఇలాంటి క్లిష్టతర పరిస్థితుల్లో ఫైనల్ గా బరిలో నిలిచే అభ్యర్థులు ఎందరో వేచి చూడాల్సిందే.

రిపోర్టర్ : రాము, సరుబుజ్జి, ఆమదాలవలస, శ్రీకాకుళం జిల్లా.