స్థానిక సంస్థల ఎన్నికల పటిష్ట భద్రతపై అధికారుల సమావేశం.

స్థానిక సంస్థల  ఎన్నికల  పటిష్ట భద్రతపై అధికారుల సమావేశం.

రేణిగుంట మేజర్ న్యూస్ : రాబోయే పంచాయతీ, ఎంపీటీసీ ఎన్నికలను ప్రశాంత వాతావరణంలో నిర్వహించేందుకు పోలీస్, రెవెన్యూ అధికారులు సమన్వయంతో పటిష్ట చర్యలు చేపడుతున్నారు. మంగళవారం రేణిగుంట ఎంపీడీవో కార్యాలయంలో మండల స్థాయి అధికారులతో సమన్వయ సమావేశం నిర్వహించారు.
రేణిగుంట ఎంపీడీవో రవిచంద్ర, తహశీల్దార్ శ్రావణ్ కుమార్, అర్బన్ సీఐ జయచంద్ర, రూరల్ సీఐ మంజునాథ రెడ్డితో పాటు సంబంధిత అధికారులు ఈ సమావేశంలో పాల్గొన్నారు. సమస్యాత్మక, అతి సమస్యాత్మక పోలింగ్ కేంద్రాలను గుర్తించి ప్రత్యేక నిఘా, అదనపు బందోబస్తు ఏర్పాటు చేయనున్నట్లు తెలిపారు. పాత నేరస్థులు, అలజడులకు పాల్పడే అవకాశం ఉన్న వారిపై నిఘా ఉంచి బైండోవర్ చర్యలు చేపడతామన్నారు. అలాగే మద్యం, మరియు నగదు అక్రమ రవాణాను అడ్డుకునేందుకు చెక్‌పోస్టులు, మొబైల్ పెట్రోలింగ్ ఏర్పాటు చేస్తున్నట్లు పేర్కొన్నారు. ఎన్నికల నియమావళిని ఉల్లంఘించి శాంతిభద్రతలకు విఘాతం కలిగించే వారిపై కఠిన చర్యలు తీసుకుంటామని పోలీసులు హెచ్చరించారు. ప్రశాంత, నిష్పక్షపాత ఎన్నికలకు ప్రజలు, రాజకీయ పార్టీల నాయకులు సహకరించాలని కోరారు.