స్థానిక సంస్థల ఎన్నికల కు సిద్ధం కావాలి

స్థానిక సంస్థల ఎన్నికల్లో సమన్వయంతో పనిచేయాలి

గ్రామస్థాయిలో పార్టీ కార్యక్రమాలను మరింత బలోపేతం చేయాలి అని తెలిపిన తన్నీరు

జగ్గయ్యపేట రూరల్ మేజర్ న్యూస్ :-స్థానిక సంస్థల ఎన్నికలను దృష్టిలో ఉంచుకుని పార్టీ శ్రేణులు సమన్వయంతో పనిచేస్తూ గ్రామస్థాయిలో వైఎస్ఆర్ కాంగ్రెస్ పార్టీ కార్యక్రమాలను మరింత బలోపేతం చేయాలని జగ్గయ్యపేట నియోజకవర్గ వైఎస్ఆర్ సీపీ ఇన్-ఛార్జ్ తన్నీరు నాగేశ్వరరావు  పిలుపునిచ్చారు.
జగ్గయ్యపేట మండలం తక్కెళ్లపాడు గ్రామంలో నిర్వహించిన స్థానిక సంస్థల ఎన్నికల సమావేశంలో పాల్గొన్నారు. ఈ సందర్భంగా గ్రామస్థాయిలో పార్టీ కార్యకలాపాలు, స్థానిక సంస్థల ఎన్నికలకు సంబంధించిన సన్నాహకాలు, నాయకులు మరియు కార్యకర్తల సమన్వయం తదితర అంశాలపై పార్టీ శ్రేణులతో చర్చించారు.
ఈ సందర్భంగా మాట్లాడుతూ స్థానిక సంస్థల ఎన్నికల్లో పార్టీ నాయకులు, కార్యకర్తలు సమన్వయంతో పనిచేయాలని సూచించారు. గ్రామస్థాయిలో ప్రజలకు అందుబాటులో ఉంటూ పార్టీ కార్యక్రమాలను విస్తృతంగా నిర్వహించాలని, పార్టీ శ్రేణుల మధ్య సమన్వయాన్ని మరింత పెంచుకోవాలని తెలిపారు.
ప్రతి గ్రామంలో పార్టీ కార్యకర్తలు క్రియాశీలకంగా పనిచేసేలా కార్యాచరణ రూపొందించుకోవాలని, గ్రామస్థాయిలో పార్టీని మరింత బలోపేతం చేసేందుకు నాయకులు, కార్యకర్తలు కలిసికట్టుగా ముందుకు సాగాలని అన్నారు అనంతరం వైఎస్ఆర్ సీపీ క్యాడర్‌కు ఐడీ కార్డులను పంపిణీ చేశారు.
ఈ కార్యక్రమంలో గ్రామ పార్టీ అధ్యక్షులు మూడు స్వామి, జిల్లా యువజన విభాగ ఉపాధ్యక్షులు బజార్ సాయి, నియోజకవర్గ ప్రచార విభాగ అధ్యక్షులు బైరబోయిన బాబు, రాష్ట్ర యువజన విభాగ కార్యదర్శి శివరాత్రి పృథ్వీరాజ్, రాష్ట్ర ఎస్టీ సెల్ విభాగ కార్యదర్శి ధారావత్ రవీంద్ర నాయక్, మండల యువజన విభాగ అధ్యక్షులు సయ్యద్ షాబుద్దీన్, సీనియర్ నాయకులు పానుగంటి బ్రహ్మ నాయుడు, గ్రామ మాజీ సర్పంచ్ ఆదిమళ్ళ ముత్యాలు, పిట్టల సత్యనారాయణ,  నాయకులు, కార్యకర్తలు, పార్టీ శ్రేణులు తదితరులు పాల్గొన్నారు.