స్థానిక ఎన్నికలలో టిడిపి అభ్యర్థులను గెలిపిస్తాం... మీ రుణం తీర్చుకుంటాం

పాచిపెంట, సూర్య :  స్థానిక ఎన్నికల్లో తెలుగుదేశం పార్టీ అభ్యర్థులను గెలిపించి మీ రుణం తీర్చుకుంటామని కొండల మీద ఆరు పంచాయతీల సర్పంచులు ఏకధాటిగా చెప్పిన సంతోషకరమైన మాటలు. గిరిజన శాఖ మంత్రి గుమ్మిడి సంధ్యారాణి మంగళవారం సాయంత్రం పాచిపెంట మండలం గొట్టూరు పంచాయతీ వేటగాని వలస రహదారి నిర్మాణానికి శంకుస్థాపన చేశారు. ముఖ్య అతిథిగా వచ్చిన మంత్రి సంధ్యారాణికి గిరిజన ప్రజలు బ్రహ్మరథం పట్టారు. ఎన్నో ఏళ్లుగా ఎదుర్కొంటున్న రహదారి సమస్య పరిష్కారానికి మూడు కోట్ల 13 లక్షల రూపాయలు మంజూరు చేసి మా బాధలు పరిష్కరించిన మీకు రుణపడి ఉంటామన్నారు. పై కార్యక్రమము వేటగానివలసలో తెలుగుదేశం పార్టీ మండల అధ్యక్షులు గూడెపు యుగంధర్ ఏర్పాటుచేసిన భారీ బహిరంగ సభలో  మంత్రి సంధ్యారాణి మాట్లాడుతూ ఈ రోజు నేను చాలా ఆనందం, సంతోషంగా ఉన్నానని మీ ఆదరణ అభిమానం ఈ విధంగా ఉండాలని వచ్చే స్థానిక ఎన్నికల్లో అందర్నీ గెలిపించాలని మీరిచ్చిన గెలుపు బహుమతి ముఖ్యమంత్రి చంద్రబాబు నాయుడుకి అందజేస్తానని పేర్కొన్నారు. గత ప్రభుత్వం శిలాఫలకాలతో సరిపెట్టగా, మన ప్రభుత్వం శంకుస్థాపన చేసి రోడ్డు వేసి అభివృద్ధి చేసి చూపిస్తుందని డంకా పదంగా చెప్పారు. ఈ ప్రాంతంలో రహదారులు 20 నుంచి 25 సంవత్సరాలుగా నిర్మాణం జరపకుండా పేరుకుపోయాయని అభివృద్ధికి నోచుకోలేదని గిరిజన ప్రజలు నాకు ఆవేదన పూర్వకంగా చెప్పడంతో తాను ఈ రోడ్లు నిర్మాణానికి 3.13 కోట్ల రూపాయలు నిధులు మంజూరు చేశానని తెలిపారు. పాచిపెంట మండలానికి 110 కోట్ల రూపాయలు కేటాయించమని, సాలూరు నియోజకవర్గానికి  550 కోట్ల రూపాయలు అభివృద్ధి చేపట్టామని మాట తప్పని ప్రభుత్వం చంద్రబాబు నాయుడదని తాను ఎంతమందికి ఉద్యోగాలేసినా,ఎన్నో రోడ్లు మంజూరు చేసినా ఏ ఒక్కరి దగ్గర ఒక్క రూపాయి కూడా తీసుకోలేదని బ్రోకర్లును పెట్టి దండుకోలేదని నేను తప్పు చేస్తే మీరంతా నిలదీయాలని బహిరంగ సభలో ఆమె  ప్రతిపక్షాలకు సవాల్ విసిరారు. వైసీపీలో కొంతమంది ఫేస్బుక్లో తప్పుడు మెసేజ్లు పెట్టడం మానుకోవాలని పార్టీ అధ్యక్షులు యుగంధర్, మార్కెట్ కమిటీ చైర్మన్ ముఖి హెచ్చరించారు. అభివృద్ధి చేసింది మీకు కనబడలేదా..? 20 ఏళ్లుగా జరగని అభివృద్ధి మంత్రి సంధ్యారాణి హయాంలో జరుగుతుంటే ఓర్వలేక కొంతమంది తప్పుడు మెసేజ్లు పెడుతున్నారని ఇక అటువంటి వారిని విడిచి పెట్టమని హెచ్చరించారు. గత 20 ఏళ్లుగా జరగని అభివృద్ధి ప్రస్తుతం జరుగుతుంటే గత ప్రభుత్వం ఏమి చేసిందని యుగంధర్ ప్రశ్నించారు.ఈ సమావేశం కు మండల పార్టీ ప్రధాన కార్యదర్శి మతల బలరాం, ఉప అధ్యక్షులు పోలినాయుడు, యూత్ నాయకులు చల్ల కనక బాబు, పి ఐ యు డి శర్మ,జె ఈ శంకర రావు,మాజీ ఎంపిటిసిలు, సర్పంచులు, కార్యక్రమానికి పెద్ద ఎత్తున జనం విచ్చేశారు.

రిపోర్టర్ :  ప్రసాద్ రాజు, పార్వతీపురం మన్యం.