శ్రీ రాజరాజేశ్వరి అమ్మవారిని దర్శించుకున్న జొన్నలగడ్డ పద్మావతి, ఆలూరు సాంబశివారెడ్డి

అనంతపురం బ్యూరో : దసరా శరన్నవరాత్రి ఉత్సవాల తొలిరోజు సందర్భంగా శింగనమల మాజీ ఎమ్మెల్యే జొన్నలగడ్డ పద్మావతి, వైఎస్సార్‌సీపీ రాష్ట్ర ప్రధాన కార్యదర్శి, ఎన్‌ఆర్‌ఐ విభాగం గ్లోబల్ కోఆర్డినేటర్ ఆలూరు సాంబశివారెడ్డి కుటుంబ సభ్యులతో కలిసి నెల్లూరులోని శ్రీ రాజరాజేశ్వరి అమ్మవారిని దర్శించుకున్నారు.

ఈ సందర్భంగా ఎమ్మెల్సీ చంద్రశేఖర్ రెడ్డితో కలిసి అమ్మవారికి ప్రత్యేక పూజలు నిర్వహించి, భక్తిశ్రద్ధలతో మొక్కులు చెల్లించుకున్నారు. అమ్మవారి దివ్య ఆశీస్సులతో ప్రజలందరూ ఆయురారోగ్యాలు, సుఖసంతోషాలు, శాంతి సౌభాగ్యాలతో వర్ధిల్లాలని ప్రార్థించారు. శరన్నవరాత్రి ఉత్సవాలు ప్రతి ఒక్కరి జీవితాల్లో ఆనందం, శాంతి, శుభాలను నింపాలని ఆకాంక్షించారు.

రిపోర్టర్ : మొయినుద్దీన్, అనంతపురం బ్యూరో, అనంతపురం.