శిశువుల ఆరోగ్య సంరక్షణకు ప్రాధాన్యత ఇవ్వండి.. మెడికల్ ఆఫీసర్ డాక్టర్ వెంకట్.
తంబళ్లపల్లె, మేజర్ న్యూస్,
నవజాత శిశువుల భద్రత ఆరోగ్య సంరక్షణ కు ప్రాధాన్యత నివ్వాలని మెడికల్ ఆఫీసర్ డాక్టర్ వెంకట్ సూచించారు. గురువారం సిహెచ్సిలో జాతీయ నవజాత శిశువుల వారం దినోత్సవం సందర్భంగా మహిళలకు అవగాహన కార్యక్రమం నిర్వహించారు. ఈ సందర్భంగా ఆయన మాట్లాడుతూ ప్రతి ఏటా నవంబర్ 15 నుండి 21వ తేదీ వరకు నవజాత శిశువుల వారం నిర్వహించి శిశువుల ఆరోగ్యం, భద్రత, సంరక్షణ ప్రాముఖ్యతను వివరించనున్నట్లు చెప్పారు. చిన్నారుల భవిష్యత్తు కోసం క్రమం తప్పకుండా వైద్య పరీక్షలు మరియు ఫాలో అప్ వైద్య సంరక్షణ అందించడం జరుగుతుందన్నారు. నవజాత శిశువు పుట్టిన 28 రోజులు శిశువులకు ఎంతో కీలకమైనవని అదే విధంగా శిశు మరణాల రేటు తగ్గించడం ముందస్తు జననాలు ఇన్ఫెక్షన్ల నివారణ, తల్లిపాల ప్రాముఖ్యత మరియు సరైన వైద్య సంరక్షణ పై ప్రజల్లో అవగాహన పెంచడం జరుగుతుందన్నారు. ఈ కార్యక్రమంలో డాక్టర్లు అమర సింహరాజు, సుమలత, ఐసిటిసి కౌన్సిలర్ చంద్రమోహన్, ఎల్టి బాలాజీ, నర్సులు, వైద్య సిబ్బంది, మహిళలు పాల్గొన్నారు
రిపోర్టర్: గౌరీ శంకర్ తంబలపల్లి