andhrapradesh
శత్రుచర్ల విజయరామరాజు మృతి టీడీపీకి తీరని లోటు
- మంత్రి కింజరాపు అచ్చెన్నాయుడు
కోటబొమ్మాళి, నవంబరు 12, మేజర్ న్యూస్:
టీడీపీ సీనియర్ నాయకులు, మాజీ మంత్రి శత్రుచర్ల విజయరామరాజు మృతి పట్ల రాష్ట్ర వ్యవసాయ శాఖ మంత్రి కింజరాపు అచ్చెన్నాయుడు తీవ్ర దిగ్భ్రాంతి వ్యక్తం చేశారు. ఆయన మరణం తెలుగుదేశం పార్టీకి, రాష్ట్ర రాజకీయాలకు తీరని లోటని పేర్కొన్నారు. ఎమ్మెల్యే, ఎంపీ, ఎమ్మెల్సీ, మంత్రిగా వివిధ హోదాల్లో విలువలతో కూడిన రాజకీయాలు చేస్తూ ప్రజాసేవకు ఆయన అంకితమయ్యారని కొనియాడారు. విజయరామరాజు అందించిన సేవలకు తగిన గౌరవంగా రాష్ట్ర ప్రభుత్వం అధికారిక లాంఛనాలతో అంత్యక్రియలు నిర్వహించాలని నిర్ణయించడం అభినందనీయమన్నారు. ఈ విషాద సమయంలో ఆయన కుటుంబ సభ్యులకు ప్రగాఢ సానుభూతి తెలిపిన మంత్రి, వారి ఆత్మకు శాంతి చేకూరాలని ప్రార్థించారు.
