సీతమ్మధార ఆక్సిజన్ టవర్స్‌లో మేయర్ అభ్యర్థి ముక్కా శ్రావణి ఎన్నికల ప్రచారం
సీతమ్మధార, సూర్య : ఉత్తర నియోజకవర్గం పరిధిలోని సీతమ్మధార ఆక్సిజన్ టవర్ వద్ద నిర్వహించిన ఎన్నికల ప్రచార సమావేశంలో ఎమ్మెల్యే, బీజేపీ ఫ్లోర్ లీడర్ విష్ణుకుమార్ రాజు, పార్లమెంట్ సభ్యుడు భరత్, ఉత్తరాంధ్ర ఎమ్మెల్సీ వేపాడ చిరంజీవి, విశాఖపట్నం టీడీపీ కూటమి అభ్యర్థి ముక్కా శ్రావణి పాల్గొన్నారు.
ఈ సందర్భంగా విష్ణుకుమార్ రాజు మాట్లాడుతూ నగర అభివృద్ధి, ప్రజా సమస్యల పరిష్కారం, మౌలిక సదుపాయాల మెరుగుదలకు కూటమి ప్రభుత్వం కట్టుబడి ఉందని తెలిపారు. ప్రజల అవసరాలను గుర్తించి, వార్డు స్థాయిలో అభివృద్ధి కార్యక్రమాలను ముందుకు తీసుకెళ్లేందుకు కృషి చేస్తామని పేర్కొన్నారు. రానున్న ఎన్నికల్లో కూటమి అభ్యర్థులను గెలిపించాలని ప్రజలకు విజ్ఞప్తి చేశారు.ఎన్నికల ప్రచారంలో భాగంగా నాయకులు కాలనీవాసులతో మాట్లాడి సమస్యలు, అభిప్రాయాలను తెలుసుకున్నారు. ప్రజల సమస్యల పరిష్కారానికి, ప్రాంత అభివృద్ధికి ప్రాధాన్యత ఇస్తామని ఈ సందర్భంగా తెలిపారు.
రిపోర్టర్ : శ్రీను, సీతమ్మధార, విశాఖపట్నం.
