సీసీ రోడ్డు నిర్మాణానికి శంకుస్థాపన..!!

ఆనందపురం, సూర్య : ఆనందపురం మండలం తర్లువాడ గ్రామాభివృద్ధికి రూ.75 లక్షల నిధులు మంజూరు చేసిన భీమిలి ఎమ్మెల్యే గంటా శ్రీనివాసరావు చొరవతో గ్రామంలో కీలకమైన రహదారి నిర్మాణ పనులకు మంగళవారం శంకుస్థాపన చేశారు. వి.బి.-జి-రామ్‌జీ అభివృద్ధి కార్యక్రమంలో భాగంగా మంజూరైన నిధులతో కోరాడవీధి నుంచి సోమాలమ్మ గుడి రహదారిని కలుపుతూ సిమెంటు రోడ్డు నిర్మించనున్నారు. ఈ పనులకు గ్రామస్థులు, నాయకులు భూమిపూజ నిర్వహించారు. రహదారి నిర్మాణం పూర్తయితే గ్రామస్థుల రాకపోకలకు ఇబ్బందులు తొలగి, రవాణా సౌకర్యం మెరుగుపడనుంది. గ్రామాభివృద్ధికి నిధులు కేటాయించిన ఎమ్మెల్యే గంటా శ్రీనివాసరావుకు స్థానిక నాయకులు కృతజ్ఞతలు తెలిపారు.
ఈ కార్యక్రమంలో ఆనందపురం మండల తెలుగుదేశం పార్టీ అధ్యక్షుడు తాత్రాజు అప్పారావు, బంకు రాజు, తాత్రాజు రామస్వామి, మజ్జి శ్రీను, బాలి అయ్యప్ప, మజ్జి వెంకటరావు, మజ్జి సన్యాసిరావు, కోరాడ ఆదినారాయణ, బాలి వెంకటరావు, బాలి సన్నిబాబు తదితరులు పాల్గొన్నారు.

రిపోర్టర్ : శ్రీనివాస్, ఆనందపురం, విశాఖపట్నం.