సీసీ రోడ్డు నిర్మాణానికి భూమి పూజ

వింజమూరు మేజర్ న్యూస్ :    వింజమూరు పంచాయతీ పరిధిలోనియర్రబెల్లిపాలెం ధ్యాన మందిరం వద్ద మంగళవారం సీసీ రోడ్డు నిర్మాణానికి భూమి పూజ నిర్వహించారు మండలకన్వీనర్ గూడానరసారెడ్డిఆధ్వర్యంలో,పీఆర్ఏఈతిరుమలయ్యపర్యవేక్షణలోజరిగింది.ఈ సందర్భంగా వారు మాట్లాడుతూ, ధ్యాన మందిరం సమీపంలో రెండు చోట్ల రూ.5 లక్షలు చొప్పున మొత్తం రూ.10 లక్షల వ్యయంతో 280 మీటర్ల మేర సీసీ రోడ్డు నిర్మాణ పనులు చేపట్టడం జరుగుతుందన్నారు. ఈ సీసీ రోడ్డు నిర్మాణం జాతీయ గ్రామీణ ఉపాధి హామీ పథకం కింద జరుగుతుందని తెలిపారు. అలాగే సమీపంలోని మోట చింతలపాలెం ఎస్సీ కాలనీలో రూ.3 లక్షల వ్యయంతో సీసీ రోడ్డు ఏర్పాటు చేయడం జరుగుతుందన్నారు.  అనంతరం మండల కన్వీనర్ గూడా నరసారెడ్డి మాట్లాడుతూ, ఎమ్మెల్యే కాకర్ల సురేష్ ప్రతి ప్రాంత అభివృద్ధే ధ్యేయంగా పాలన అందిస్తున్నారని, ఇప్పటికే మారుమూల గ్రామాలకు సైతం లక్షలాది రూపాయల నిధులను మంజూరు చేయించి రోడ్ల నిర్మాణం చేపట్టడం జరిగిందని తెలిపారు. అభివృద్ధే తారక మంత్రంగా ఎమ్మెల్యే పనిచేస్తున్నారని పేర్కొన్నారు. రెండు రోజుల్లో నియోజకవర్గం పూర్తిస్థాయిలో అభివృద్ధి పథంలో నడుస్తుందని ఆశాభావం వ్యక్తం చేశారు. ఈ కార్యక్రమంలో తెలుగుదేశం పార్టీ యువ నాయకులుగూడా నవీన్ రెడ్డి ఎన్నపల్లి పెంచలరావు మరియు  ఆ ప్రాంత నాయకులు తదితరులు పాల్గొన్నారు.