సీనియర్ నాయకుడు ఉమేష్ వైఎస్ఆర్ సీపీలో చేరిక.
కళ్యాణదుర్గం: మండలం బోరంపల్లి గ్రామానికి చెందిన సీనియర్ తెలుగుదేశం పార్టీ నాయకుడు కురుబ ముదెప్ప ఉమేష్ మంగళవారం వైఎస్సార్ కాంగ్రెస్ పార్టీలో చేరారు. వైఎస్సార్సీపీ సమన్వయకర్త తలారి రంగయ్య సమక్షంలో ఆయన పార్టీ తీర్థం పుచ్చుకున్నారు. ఈ సందర్భంగా తలారి రంగయ్య ఉమేష్కు పార్టీ కండువా కప్పి సాదరంగా ఆహ్వానించారు. పార్టీలో చేరిన ఆయనకు తగిన గుర్తింపు, గౌరవం కల్పిస్తామని భరోసా ఇచ్చారు. ఈ సందర్భంగా పార్టీ నాయకులు ఉమేష్కు అభినందనలు తెలియజేస్తూ పార్టీ బలోపేతానికి నాయకులు, కార్యకర్తలు సమష్టిగా కృషి చేయాలని ఆకాంక్షించారు. అనంతరం ఉమేష్ వైఎస్సార్ కాంగ్రెస్ పార్టీ జిల్లా అధ్యక్షుడు అనంత వెంకటరామిరెడ్డిని మర్యాదపూర్వకంగా కలిశారు. ఈ కార్యక్రమంలో బోరంపల్లి వైఎస్సార్సీపీ నాయకులు, మాజీ ఎంపీటీసీ బలరాం, కృష్ణారెడ్డి, గూనిపల్లి కిష్టయ్య, పాల్ సంజీవరెడ్డి, ఉల్లి చెన్నప్ప, ఆంజనేయులు తదితరులు పాల్గొన్నారు. ఉమేష్ వైఎస్సార్సీపీలో చేరడంతో గ్రామంలో పార్టీ శ్రేణుల్లో ఉత్సాహం నెలకొంది.
కళ్యాణదుర్గం టౌన్ రిపోర్టర్ :- బోయ రంగస్వామి.