రెండవ రోజుకు చేరిన సాయిబాబా ఆరాధనోత్సవాలు

భట్టిప్రోలు, మేజర్ న్యూస్: మండల కేంద్రమైన భట్టిప్రోలు గ్రామంలో వేంచేసి యున్న శ్రీ శిరిడి సాయి .. దత్తాత్రేయ స్వామి వారి ఆలయంలో 108వ పుణ్యతిధి ఆరాధన సందర్భంగా సోమవారం శ్రీ బాబా వారికి గంధముతో అభిషేకం చేయడం జరిగింది. ఈ అభిషేక కార్యక్రమాలను మద్దుల సోమశేఖర్- రోహిత, అల్లం కిరణ్ కుమార్-వసంత, కొలుసు వెంకట శివాజీ-భూలక్ష్మి, తూనుగుంట్ల  గంగాధరరావు- శ్రీవాణి, ఆకుల వెంకటేశ్వరరావు-ఝాన్సీ వాణి, కనపర్తి నాంచారయ్య- పార్వతి దంపతులు నిర్వహించారు. కార్యక్రమాలను దేవస్థాన అధ్యక్షులు తమ్మన రమేష్ బాబు,బట్టు రమేష్ బాబు,చన్నగిరి రాంబాబు, జవ్వాది వెంకటేశ్వరరావు, బూర్లే కిరణ్ కుమార్ కమిటీ సభ్యులు తడవర్తి అర్ధనారీశ్వరుడు, చందులూరి రామకోటేశ్వరరావు, చందులూరి శివప్రసాద్, చన్న వెంకటేశ్వరరావు తదితరులు పర్యవేక్షించారు.