రాష్ట్రంలో పెట్టుబడులు పెట్టేందుకు పలు ప్రముఖ సంస్థలు ముందుకు

విశాఖపట్నం, మేజర్‌న్యూస్‌ :

రాష్ట్రంలో పెట్టుబడులు పెట్టేందుకు పలు ప్రముఖ సంస్థలు ముందుకు వచ్చాయి. విశాఖలో జరిగిన సీఐఐ సమ్మిట్‌లో ముఖ్యమంత్రి చంద్రబాబు నాయుడు సమక్షంలో ప్రభుత్వంతో ఒప్పందాలు కుదుర్చుకున్నాయి.  రిలయన్స్, గెయిల్, సెయింట్ గోబెయిన్, ఎల్ అండ్ టీ, గ్రీన్‌కో ఎనర్జీస్ సంస్థలతో పెట్టుబడులకు ఒప్పందాలు కుదిరాయి. అదేవిధంగా మరో మూడు ప్రముఖ సంస్థలు తమ పరిశ్రమల కార్యకలాపాలను ప్రారంభించుకునేందుకు రాష్ట్ర ప్రభుత్వం అనుమతులు ఇస్తూ ఉత్తర్వులు జారీ చేసింది. జీవో కాపీలను సంస్థ ప్రతినిధులకు ముఖ్యమంత్రి అందించారు. జీవోలు అందుకున్న పరిశ్రమల్లో వారీ క్లీన్ ఎనర్జీస్ సొల్యూషన్, హిందుస్థాన్ కోకా-కోలా బేవరేజెస్, కెల్లాగ్స్ ఇండియా ప్రైవేట్ లిమిటెడ్ ఉన్నాయి. ఈ కార్యక్రమంలో కేంద్రమంత్రి పియూష్ గోయల్, మంత్రులు గొట్టిపాటి రవికుమార్, కొల్లు రవీంద్ర, డోలా బాలవీరాంజనేయ స్వామి, ఆయా శాఖల ఉన్నతాధికారులు పాల్గొన్నారు.