రాష్ట్రస్థాయి వెయిట్లిఫ్టింగ్ పోటీలకు గంగాయపల్లి ఏపీ మోడల్ స్కూల్ విద్యార్థినులు ప్రతిభ చాటిన మంజుల, మౌనిక..
రాష్ట్రస్థాయి వెయిట్లిఫ్టింగ్ పోటీలకు గంగాయపల్లి ఏపీ మోడల్ స్కూల్ విద్యార్థినులు
ప్రతిభ చాటిన మంజుల, మౌనిక..
వల్లూరు మేజర్ న్యూస్
వల్లూరు మండలం గంగాయపల్లిలోని పీఎం శ్రీ ఏపీ మోడల్ స్కూల్ అండ్ కళాశాలకు చెందిన ఇద్దరు విద్యార్థినులు రాష్ట్రస్థాయి వెయిట్లిఫ్టింగ్ పోటీలకు ఎంపికై ప్రతిభ చాటారు. కడప క్రీడా పాఠశాలలో బుధవారం నిర్వహించిన ఎస్జీఎఫ్ఐ అండర్–17 బాలికల ఎంపిక పోటీల్లో గంగాయపల్లి పీఎం శ్రీ ఏపీ మోడల్ స్కూల్ అండ్ కళాశాలకు చెందిన విద్యార్థినులు జె. మంజుల, మౌనిక ప్రతిభ కనబరిచి రాష్ట్రస్థాయి వెయిట్లిఫ్టింగ్ పోటీలకు ఎంపికయ్యారు. ఇంటర్మీడియట్ ప్రథమ సంవత్సరం సీఈసీ చదువుతున్న జె. మంజుల, బైపీసీ చదువుతున్న మౌనిక ఈ ఘనత సాధించారు. రాష్ట్రస్థాయి పోటీలకు ఎంపిక కావడం పట్ల కళాశాల ప్రిన్సిపాల్ సురేష్బాబు హర్షం వ్యక్తం చేసి విద్యార్థినులను అభినందించారు. ఈ సందర్భంగా కళాశాల ఉపాధ్యాయులు, ఉపాధ్యాయినులు, వ్యాయామ విద్యా ఉపాధ్యాయురాలు సుశీలమ్మ విద్యార్థినులను అభినందిస్తూ, రాష్ట్రస్థాయి పోటీల్లోనూ ఉత్తమ ప్రతిభ కనబరచి కళాశాలకు, మండలానికి మంచి పేరు తీసుకురావాలని ఆకాంక్షించారు. విద్యతో పాటు క్రీడల్లోనూ విద్యార్థులు రాణించడం అభినందనీయమని వారు పేర్కొన్నారు..
