రాజరాజేశ్వరి అమ్మవారి హుండీ ఆదాయం రూ. 35.90 లక్షలు

నెల్లూరు కల్చరల్ మేజర్ న్యూస్   :   నెల్లూరు నగరంలోని దుర్గామిట్టలో కొలువై ఉన్న శ్రీ రాజరాజేశ్వరి అమ్మవారి దేవస్థానంలో మంగళవారం హుండీ లెక్కింపు కార్యక్రమం నిర్వహించారు. గత 97 రోజుల కాలపరిమితికి, అనగా 2026 జూలై 02 నుండి  అక్టోబర్ 6 వరకు భక్తులు సమర్పించిన కానుకలను లెక్కించగా మొత్తం రూ. 35,90,534 ఆదాయం సమకూరినట్లు ఆలయ అధికారులు వెల్లడించారు. ఇందులో సాధారణ హుండీ ద్వారా రూ. 33,83,031 రాగా, అన్నదానం హుండీ ద్వారా రూ. 2,07,503 సమకూరాయి. వీటితో పాటు విదేశీ కరెన్సీ రూపంలో 32 అమెరికా డాలర్లు, 10 కెనడా డాలర్లు కూడా హుండీలో లభించాయి.  ఈ లెక్కింపు కార్యక్రమం జిల్లా దేవాదాయ శాఖ అధికారి జనార్ధన్ రెడ్డి, కోరుటూరు గ్రూప్ ఆలయాల ఈఓ కవితల పర్యవేక్షణలో జరిగింది. ఈ కార్యక్రమంలో ఆలయ కార్యనిర్వహణాధికారి శ్రీధర్ నాయుడు, ఆలయ చైర్మన్ ఏలూరు శిరీష, ధర్మకర్తల మండలి సభ్యులు, ఆలయ ప్రధాన అర్చకులు, వేద పండితులు, అర్చకులు పాల్గొన్నారు. వీరే కాకుండా స్టేట్ బ్యాంక్ విశ్రాంతి సిబ్బంది, ఆంధ్ర ప్రగతి గ్రామీణ బ్యాంక్ సిబ్బంది, పోలీసు బృందం, వాలంటీర్లు, దేవస్థాన సిబ్బంది ఈ లెక్కింపు కార్యక్రమంలో పాలుపంచుకున్నారు.