6వ వైఎస్‌పీఏ నేషనల్ ఫెడరేషన్ కప్‌లో విశ్వసాయి విద్యార్థుల సత్తా

నెల్లూరు, అర్బన్/క్రైమ్ (మేజర్ న్యూస్):
6వ వైఎస్‌పీఏ నేషనల్ ఫెడరేషన్ కప్‌–2026లో నెల్లూరులోని విశ్వసాయి జూనియర్ కళాశాల విద్యార్థులు ప్రతిభ చాటారు. జాతీయ స్థాయి పోటీల్లో ప్రథమ స్థానాన్ని సాధించి కళాశాలకు, నెల్లూరు జిల్లాకు గర్వకారణంగా నిలిచారు.జూలై 11, 12 తేదీల్లో నెల్లూరు ఏసీ సుబ్బారెడ్డి స్టేడియంలో నిర్వహించిన స్టేట్ సెలక్షన్స్‌లో ప్రతిభ కనబరిచిన విశ్వసాయి విద్యార్థులు జాతీయ స్థాయి పోటీలకు ఎంపికయ్యారు. సెప్టెంబర్ 29, 30 తేదీల్లో గోవాలో జరిగిన 6వ వైఎస్‌పీఏ నేషనల్ ఫెడరేషన్ కప్–2026లో విద్యార్థులు పాల్గొని అద్భుత ప్రతిభ కనబరిచారు.క్రికెట్ విభాగంలో డి. భవన్, వి. హర్షిత్, ఎం. రిషి, ఎం. మోహనకృష్ణ ప్రథమ స్థానం సాధించగా, ఎ. కార్తీక్, ఎన్. చరణ్ కూడా తమ విభాగంలో ప్రథమ స్థానంలో నిలిచినట్లు కళాశాల యాజమాన్యం వెల్లడించింది.విద్యార్థుల విజయంపై కళాశాల చైర్మన్ డా. యన్. సత్యనారాయణ హర్షం వ్యక్తం చేశారు. ఈ సందర్భంగా కళాశాలలో ఏర్పాటు చేసిన అభినందన సభలో ఆయన మాట్లాడుతూ.. విద్యార్థులు చదువుతో పాటు క్రీడల్లోనూ రాణించడం అభినందనీయమన్నారు.క్రీడలు విద్యార్థుల్లో క్రమశిక్షణ, పట్టుదల, నాయకత్వ లక్షణాలను పెంపొందిస్తాయని పేర్కొన్నారు.జాతీయ స్థాయిలో ప్రతిభ కనబరిచిన విద్యార్థులకు పుష్పగుచ్ఛాలతో అభినందనలు తెలిపారు.డిసెంబర్ రెండో వారంలో భూటాన్‌లో జరగనున్న అంతర్జాతీయ సెలక్షన్స్‌కు విద్యార్థులు ఎంపిక కావడం విశ్వసాయి కళాశాలకు మరింత గర్వకారణమని చైర్మన్ తెలిపారు. విద్యార్థుల విజయానికి కృషి చేసిన అధ్యాపకులు, శిక్షకులను అభినందించారు.