పులివెందుల మున్సిపాలిటీలో బార్లు తీరిన ఓటర్లు... ప్రశాంత వాతావరణంలో ప్రారంభమైన పోలింగ్

పులివెందుల మేజర్ న్యూస్:

కడప జిల్లా పులివెందుల మున్సిపాలిటీలో ఆదివారం ఎన్నికల పోలింగ్‌ ప్రారంభమైంది. తమ ఓటు హక్కును వినియోగించుకునేందుకు ఓటర్లు ఉదయం నుంచే పోలింగ్‌ కేంద్రాలకు భారీ సంఖ్యలో చేరుకున్నారు. పలు కేంద్రాల వద్ద ఓటర్లు బారులు తీరి తమ ఓటు హక్కును వినియోగించుకుంటున్నారు
ఎన్నికల నేపథ్యంలో ఎలాంటి అవాంఛనీయ సంఘటనలు చోటుచేసుకోకుండా పోలీసులు భారీ బందోబస్తు ఏర్పాటు చేశారు. పోలింగ్‌ కేంద్రాల వద్ద పటిష్ఠ భద్రతా చర్యలు చేపట్టడంతో పాటు, ఎన్నికల ప్రక్రియ ప్రశాంతంగా జరిగేలా మున్సిపల్‌ అధికారులు, పోలీసు సిబ్బంది సమన్వయంతో విధులు నిర్వహిస్తున్నారు. ఓటర్లు పోలింగ్‌ కేంద్రాలకు చేరుకునేందుకు అవసరమైన ఏర్పాట్లు చేశారు.
ఓటర్లకు ఎలాంటి అసౌకర్యాలు కలగకుండా అధికారులు తగిన సౌకర్యాలు కల్పించారు. అత్యవసర వైద్య సేవలు అందించేందుకు మెడికల్‌ క్యాంపును సైతం ఏర్పాటు చేసి అందుబాటులో ఉంచారు. ఎన్నికల ప్రక్రియ సజావుగా సాగేందుకు అధికారులు నిరంతరం పర్యవేక్షిస్తున్నారు.
ప్రతి ఒక్కరూ తమ ఓటు హక్కు విలువను గుర్తించి, స్వచ్ఛందంగా పోలింగ్‌లో పాల్గొని ప్రజాస్వామ్యాన్ని బలోపేతం చేయాలని అధికారులు ఓటర్లకు విజ్ఞప్తి చేస్తున్నారు.

పులివెందుల స్టాఫ్ రిపోర్టర్ కడప జిల్లా