ప్రశాంతంగా ముగిసిన నామినేషన్ల ప్రక్రియ

‎  
రేపల్లెలో 181 నామినేషన్ దాఖలు 
‎‎మున్సిపల్ కమిషనర్ సాంబశివరావు
‎రేపల్లె మేజర్ న్యూస్;
‎‎స్థానిక సంస్థల ఎన్నికల నామినేషన్ ప్రక్రియలో భాగంగా రేపల్లె మున్సిపాలిటీలో మొత్తం 181 నామినేషన్లు దాఖలు అయినట్లు మున్సిపల్ కమిషనర్ అసిస్టెంట్ ఎన్నికల రిటర్నింగ్ అధికారి కాకర్ల సాంబశివరావు తెలిపారు. 
చైర్ పర్సన్ స్థానానికి  మొత్తం 10 నామినేషన్ దాఖలు కాగా వీటిలో తెలుగుదేశం పార్టీ 4 నామినేషన్లు, వైఎస్ఆర్ కాంగ్రెస్ పార్టీ నాలుగు నామినేషన్లు, బీఎస్పీ ఒకటి, కాంగ్రెస్ పార్టీ ఒకటి, చొప్పున నామినేషన్ దాఖలు చేశారు. మొత్తం 36 వార్డులకు గాను తెలుగుదేశం తరపున 77 మంది, వైఎస్ఆర్ కాంగ్రెస్ పార్టీ తరఫున 79 మంది, జనసేన పార్టీ తరఫున 17, బిజెపి తరఫున రెండు సిపిఎం తరపున మూడు బీఎస్పీ తరఫున ఒకటి, స్వతంత్ర అభ్యర్థులు ఒకటి మొత్తం 181 మంది వార్డు సభ్యులకు నామినేషన్లు దాఖలు చేసినట్లు కమిషనర్ తెలిపారు. నామినేషన్ ప్రక్రియ ముగియడంతో ఈ నెల 19వ తేదీ సోమవారం నామినేషన్ పరిశీలన జరుగుతుందని నామినేషన్ పరిశీలన నామినేషన్ వేసిన కేంద్రాలలోనే పరిశీలన జరుగుతుందని ఆయన తెలిపారు. 21వ తేదీ నామినేషన్ ఉపసంహరణ మధ్యాహ్నం 3:00 వరకు ఉంటుందని అనంతరం పోటీలో ఉన్న అభ్యర్థుల పేర్లను ప్రకటించడం జరుగుతుందని సాంబశివరావు తెలిపారు. నామినేషన్ ప్రక్రియ ప్రశాంతంగా జరగడానికి సహకరించిన రాజకీయ పార్టీల నాయకులకు అధికారులకు పోలీసు అధికారులకు కమిషనర్ ప్రత్యేక కృతజ్ఞతలు తెలిపారు. ఈనెల 28వ తేదీ ఉదయం ఏడు గంటల నుండి సాయంత్రం ఐదు గంటల వరకు పోలింగ్ నిర్వహిస్తారని 30వ తేదీన కౌంటింగ్ జరుగుతుందని అదే రోజు ఎన్నికల ఫలితాలు ప్రకటించడం జరుగుతుందని కమిషనర్ సాంబశివరావు తెలిపారు.