ప్రపంచ స్థాయిలో ఎస్వీయూ అధ్యాపకుల అరుదైన ఘనత

ప్రపంచస్థాయిలో ఎస్వీయూ భౌతిక శాస్త్ర విభాగానికి చెందిన 8 మంది అధ్యాపకులు, ప్రముఖ పరిశోధకులు ప్రపంచవ్యాప్తంగా టాప్-1000 పరిశోధకుల జాబితాలో స్థానం సాధించి అరుదైన ఘనత సాధించారు. ఇందులో ప్రొఫెసర్ సీకే జయశంకర్ ప్రపంచ స్థాయిలో 13వ ర్యాంకు, ప్రొఫెసర్ రాజగోపాల్ రెడ్డికి 52వ ర్యాంకు, ప్రొఫెసర్ ఎల్ రామమూర్తికి 139 ర్యాంకు దక్కించుకున్నారు. అలాగే ప్రొఫెసర్ వైసీ రత్నాకరంకు 238వ ర్యాంకు, ప్రొఫెసర్ కేటీ రామకృష్ణారెడ్డికి 341వ ర్యాంకు, ప్రొఫెసర్ బీ దేవప్రసాద్ రాజుకు 545వ ర్యాంకు, ఓఎండీ హుస్సేన్ కు 578వ ర్యాంకు, ప్రొఫెసర్ ఎస్ ఉత్తన్నకు 713వ ర్యాంకు దక్కింది. ఈ సందర్భంగా భౌతిక శాస్త్ర విభాగాధిపతి ప్రొఫెసర్ బి.దేవ ప్రసాద్ రాజు మాట్లాడుతూ ప్రపంచ స్థాయిలో ఎస్వీయూ ఫిజిక్స్ విభాగానికి ఇదో అరుదైన ఘనత దక్కిందని కొనియాడారు. ఒకే విభాగానికి చెందిన 8మంది అధ్యాపకులకు టాప్ 1000 ర్యాంకులలో చోటు దక్కడం గర్వకారమన్నారు. ఫిజిక్స్ విభాగంలో కొనసాగుతున్న నాణ్యమైన పరిశోధన, అంతర్జాతీయ స్థాయి ప్రచురణలు, శాస్త్రీయ సహకారాలు, పరిశోధనా ఫలితాలకు ఈ ర్యాంకులు నిదర్శనమని పేర్కొన్నారు. ఈ సందర్భంగా వీసీ ప్రొఫెసర్ టాటా నర్సింగరావు, రిజిస్ట్రార్ భూపతినాయుడు. రెక్టార్ చండ్రాయుడు, అధ్యాపకులు ఈ ఘనత సాధించిన అధ్యాపకులను అభినందించారు.

సీఎం గౌడ్ తిరుపతి ప్రతినిధి