andhrapradesh
ప్రమాదంలో గాయపడిన కార్యకర్తకు ఎమ్మెల్యే ఆర్థిక సాయం మెరుగైన వైద్యం కోసం వైద్యులతో మాట్లాడిన అమిలినేని సురేంద్రబాబు
అనంతపురం బ్యూరో : ఆటో బోల్తాపడి వెన్నెముకకు తీవ్ర గాయాలైన కార్యకర్తకు కళ్యాణదుర్గం ఎమ్మెల్యే అమిలినేని సురేంద్రబాబు ఆర్థిక సాయం అందించారు. కళ్యాణదుర్గం మున్సిపాలిటీ పరిధిలోని రాచప్పబావి వీధికి చెందిన నాగరాజు ఇటీవల ఆటో ప్రమాదానికి గురై తీవ్రంగా గాయపడ్డారు.
ఈ విషయాన్ని స్థానిక నాయకులు, నాగరాజు కుటుంబ సభ్యులు ఎమ్మెల్యే అమిలినేని సురేంద్రబాబు దృష్టికి తీసుకెళ్లారు. స్పందించిన ఎమ్మెల్యే మెరుగైన వైద్యం అందించేందుకు వైద్యులతో మాట్లాడి అవసరమైన వైద్య సేవలపై ఆరా తీశారు. అనంతరం నాగరాజు వైద్య ఖర్చుల కోసం రూ.20 వేల ఆర్థిక సహాయాన్ని అందజేశారు.
ప్రమాదంలో గాయపడిన నాగరాజుకు మెరుగైన వైద్యం అందేలా అవసరమైన సహకారం అందిస్తామని ఎమ్మెల్యే హామీ ఇచ్చినట్లు కుటుంబ సభ్యులు తెలిపారు.
రిపోర్టర్ : మొయినుద్దీన్, అనంతపురం బ్యూరో, అనంతపురం.
