ప్రమాదకరంగా విద్యుత్ స్తంభాలు

నేటి దినపత్రిక సూర్య బ్యూరో రాజమహేంద్రవరం

అంబాజీపేట మండల పరిధిలోని మాచవరం గ్రామ శివారు జక్కంశెట్టివారిపాలెంలో విద్యుత్ స్తంభం ఒకటి ప్రమాదకరంగా పక్కకు ఒరిగిపోవడంతో స్థానికులను భయాందోళనకు గురిచేస్తోంది.స్థానికుల కథనం ప్రకారం, ఈ స్తంభం ఎప్పుడైనా కూలిపోయేలా ప్రమాదకర స్థితిలో ఉంది. స్తంభంపై నుంచి విద్యుత్ తీగలు వెళుతుండటంతో పాటు చుట్టూ చెట్లు, పిచ్చి మొక్కలు అల్లుకుపోయి ఉన్నాయి. దీంతో ఈ మార్గంలో రాకపోకలు సాగించే రైతులు, విద్యార్థులు, స్థానికులు ప్రాణభయంతో ప్రయాణిస్తున్నారు.వర్షాలు, ఈదురుగాలులు వీస్తే స్తంభం నేలకూలి పెను ప్రమాదం జరిగే అవకాశం ఉందని, ఎలాంటి ప్రాణనష్టం జరగక ముందే విద్యుత్ శాఖ అధికారులు వెంటనే స్పందించి ఒరిగిన స్తంభాన్ని తొలగించి కొత్త స్తంభాన్ని ఏర్పాటు చేయాలని గ్రామస్తులు కోరుతున్నారు.