ప్రజల హృదయాలను గెలిచిన "బిఎన్"...!!

ప్రజల హృదయాలను గెలిచిన "బిఎన్"...!!
- ఎన్నడూలేని విధంగా ఎన్ఎన్ పాడులో "సిఎంఆర్ఎఫ్" మహోత్సవం
- రెండేళ్ళ కాలంలో నియోజకవర్గంలో 2,450 మందికి
  రూ. 18.83 కోట్లు సిఎం సహాయనిధి 
- అర్హులందరికి సిఎంఆర్ఎఫ్ మంజూరుకై నిరంతర పర్యవేక్షణ                                   - నియోజకవర్గ అభివృద్ధికి నిరంతరం శ్రమిస్తా
- ఒంగోలులో సిఎంఆర్ఎఫ్ మహోత్సవంలో ఎమ్మెల్యే బి.ఎన్ విజయ్ కుమార్

సూర్య, ఒంగోలు :

పేద ప్రజల ఆరోగ్యానికి బిఎన్ భరోసాగా నిలిచారు. ఎన్నడూలేని విధంగా సంతనూతలపాడు నియోజకవర్గంలో సిఎంఆర్ఎఫ్ మంజూరు ఉత్సవంగా సాగుతోంది. మంగళవారం ఒంగోలు నగరంలోని బృందావనం పంక్షన్ హాల్లో సిఎంఆర్ఎఫ్ మహోత్సవ కార్యక్రమాన్ని ఘనంగా నిర్వహించారు. కూటమి ప్రభుత్వం ఏర్పడిన ఈ రెండేళ్ల కాలంలో సంతనూతలపాడు నియోజకవర్గంలో 2,450 మంది లబ్ధిదారులకు రూ.18 కోట్ల 83 లక్షల విలువైన ముఖ్యమంత్రి సహాయ నిధి చెక్కులను అందించారు. ఈ సిఎంఆర్ఎఫ్ మహోత్సవంలో 504 మంది లబ్ధిదారులకు రూ.3 కోట్ల 6 లక్షల విలువైన సిఎంఆర్ఎఫ్ చెక్కులను ఎమ్మెల్యే బి.ఎన్ విజయ్ కుమార్ అందించారు. ఈ సందర్భంగా ఎమ్మెల్యే మాట్లాడుతూ సంతనూతలపాడు నియోజకవర్గాన్ని సంక్షేమం, అభివృద్ధి పథంలో ముందుకు తీసుకెళ్లేందుకు కృషి చేస్తున్నామని తెలిపారు. అనారోగ్యంతో వైద్య చికిత్సలు చేయించుకునేందుకు ఆర్థిక ఇబ్బందులు ఎదుర్కొంటున్న పేద, మధ్యతరగతి కుటుంబాలకు ముఖ్యమంత్రి సహాయ నిధి ఎంతో అండగా నిలుస్తోందని తెలిపారు. అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా కృషి చేస్తామని ఆయన స్పష్టం చేశారు. సంక్షేమమే లక్ష్యంగా, అభివృద్దే ధ్యేయంగా సంతనూతలపాడు నియోజకవర్గాన్ని అన్ని రంగాల్లో అభివృద్ధి చేస్తూ ప్రజల సంక్షేమం కోసం నిరంతరం పనిచేస్తామని ఎమ్మెల్యే బి.ఎన్ విజయ్ కుమార్ తెలిపారు. ఈ కార్యక్రమంలో నియోజకవర్గ కూటమి నాయకులు, మండల నాయకులు, గ్రామ నాయకులు, కార్యకర్తలు మహిళలు భారీగా పాల్గొన్నారు.