ప్రజాసేవే లక్ష్యం.. గ్రామాభివృద్ధే ధ్యేయం! టి. నరసాపురాన్ని మోడల్ పంచాయతీగా తీర్చిదిద్దుతా.. కూటమి సర్పంచ్ అభ్యర్థి చాట్రాతి యుగంధర్ హామీ..
టి. నరసాపురం, మేజర్ న్యూస్: ప్రజాసేవే ప్రధాన లక్ష్యంగా, గ్రామాభివృద్ధే ధ్యేయంగా టి. నరసాపురం గ్రామ పంచాయతీ సర్పంచ్ అభ్యర్థిగా తెలుగుదేశం, జనసేన, బీజేపీ కూటమి బలపరిచిన చాట్రాతి యుగంధర్ ఎన్నికల బరిలో నిలిచారు. మంగళవారం భారీ ర్యాలీతో వెళ్లి నామినేషన్ దాఖలు చేశారు.అనంతరం అద్దంకి జగ్గారావు ఇంటి వద్ద ఏర్పాటు చేసిన విలేకరుల సమావేశంలో యుగంధర్ మాట్లాడుతూ.. సర్పంచ్గా అవకాశం కల్పిస్తే నిరంతరం ప్రజలకు అందుబాటులో ఉంటూ గ్రామ సమస్యల పరిష్కారానికి కృషి చేస్తానని తెలిపారు. టి. నరసాపురం గ్రామ పంచాయతీని ఆదర్శంగా, మోడల్ పంచాయతీగా తీర్చిదిద్దడమే తన లక్ష్యమని పేర్కొన్నారు.
ఈ సందర్భంగా టీడీపీ రాష్ట్ర కార్యదర్శి కొండపల్లి రవి, మాజీ సర్పంచ్ జోనుబోయిన సోంబాబు, జనసేన మండల నాయకుడు సీహెచ్ నవీన్ మాట్లాడుతూ.. యుగంధర్ కుటుంబం తరతరాలుగా ప్రజాసేవా దృక్పథంతో ముందుకు సాగుతోందని తెలిపారు. తాతముత్తాతల నుంచి సంక్రమించిన భూములను సైతం ఎలాంటి పదవులు ఆశించకుండా ప్రజా ప్రయోజనాల కోసం ఉచితంగా రిజిస్ట్రేషన్ చేస్తున్న కుటుంబమని వివరించారు. తాను నిత్యం ప్రజలకు అందుబాటులో ఉంటూ వారి సమస్యల పరిష్కారానికి కృషి చేస్తున్నానని స్పష్టం చేశారు.ఈ ఎన్నికల్లో యుగంధర్ అభ్యర్థిత్వాన్ని పరిశీలించి ఓటు వేసి గెలిపించాలని కొండపల్లి రవి, జోనుబోయిన సోంబాబు, సీహెచ్ నవీన్ గ్రామ ప్రజలను కోరారు. కార్యక్రమంలో అద్దంకి జగ్గారావు, కిలారి సాంబశివరావు, పాలేటి సత్యనారాయణ, కొరివి శ్రీకాంత్ తదితర కూటమి నాయకులు పాల్గొన్నారు.
అద్దంకి గిరి కుమార్ క్రైమ్ ప్రతినిధి ఏలూరు