ప్రజారోగ్యమే ద్యేయంగా ఆయుష్ వైద్య సేవలు
- కాలానుగున రుగ్మతలకు ఆయుర్వేదంతో ఉపశమనం
- జిల్లా ఆయుష్ వైద్యాధికారిణి డాక్టర్ హేమాక్షి
సీతానగరం, సూర్య: ప్రజారోగ్యమే ద్యేయంగా గ్రామాల్లో విస్తృతంగా వైద్య శిబిరాలు నిర్వహిస్తూ ఆయుష్ సేవలు అందిస్తున్నామని జిల్లా ఆయుష్ వైద్యాధికారిణి డాక్టర్ టి. హేమాక్షి అన్నారు. బుధవారం బుడ్డిపేట గ్రామంలో ఉచిత ఆయుర్వేద వైద్య శిబిరం నిర్వహించారు. కాలానుగున, దీర్ఘకాలిక సమస్యలకు డాక్టర్ హేమాక్షి తనిఖీలు జరిపి పరీక్షించారు. అవసరమైన మందులు అందజేసి వినియోగించే విధానాన్ని వివరించారు. పలువురు శిబిరాన్ని సద్వినియోగం చేసుకున్నారు. ఆయుర్వేదంతో రోగనిరోధక వ్యవస్థ బలపడి ఆరోగ్యo మెరుగుకు దోహదపడుతుందని, దీర్ఘకాలిక రుగ్మతలకు మంచి ఫలితాలను పొందవచ్చని అన్నారు. శీతాకాలంలో సాధారణంగా కలిగే రుగ్మతలకు ఆయుర్వేదం ఉపశమనం కలిగిస్తుందన్నారు. ఈ కార్యక్రమంలో ఆయుష్ స్టాఫ్ పద్మ తదితరులు పాల్గొన్నారు.