ప్రభుత్వ ఆసుపత్రిలో గుర్తుతెలియని వ్యక్తి మృతి

ప్రభుత్వ ఆసుపత్రిలో గుర్తుతెలియని వ్యక్తి మృతి  ప్రొద్దుటూరు క్రైం, మేజర్ న్యూస్: ప్రొద్దుటూరు ప్రభుత్వ ఆసుపత్రిలో గుర్తుతెలియని వ్యక్తి అనారోగ్యంతో మృతి చెందినట్లు ఔట్ పోస్ట్ హెడ్ కానిస్టేబుల్ షబ్బీర్ తెలిపారు. ఆసుపత్రిలోని కంటి విభాగం ఎదురుగా సాయంత్రం సమయంలో అనారోగ్యంతో ఉన్న వ్యక్తి పడుకుని నిద్రించినట్లు, అనంతరం నిద్రలోనే మృతి చెందినట్లు ఆయన వెల్లడించారు. మృతి చెందిన వ్యక్తి వివరాలు, అతని కుటుంబ సభ్యులు, బంధువుల ఆచూకీ ఇంకా తెలియరాలేదని తెలిపారు. ప్రస్తుతం మృతదేహాన్ని ప్రొద్దుటూరు ప్రభుత్వ ఆసుపత్రి మార్చురీలో భద్రపరిచినట్లు చెప్పారు. మృతుడి గురించి తెలిసిన వారు, కుటుంబ సభ్యులు లేదా బంధువులు ఎవరైనా ఉంటే వెంటనే ప్రొద్దుటూరు ప్రభుత్వ ఆసుపత్రి మార్చురీని సంప్రదించి మృతదేహాన్ని గుర్తించి, నిబంధనల ప్రకారం తీసుకెళ్లాలని ఔట్ పోస్ట్ హెడ్ కానిస్టేబుల్ షబ్బీర్ కోరారు. మృతుడి వివరాలు తెలిసిన వారు పోలీసులకు సమాచారం అందించి సహకరించాలని ఆయన విజ్ఞప్తి చేశారు. సమాచారం కోసం 9154666607 ను సంప్రదించాలన్నారు.