పోషణపై ప్రతి ఒక్కరూ బాధ్యత తీసుకోవాలి
పామూరు, మేజర్ న్యూస్ :
పామూరు మండలంలోని మోట్రావులపాడు అంగన్వాడీ కేంద్రంలో శనివారం 9వ జాతీయ పోషణ మాసంలో భాగంగా మన అంగన్వాడీ–మన బాధ్యత కార్యక్రమంలో అంగన్వాడీ ఉత్సవం నిర్వహించారు. ఐసీడీఎస్‌ సూపర్‌వైజర్‌ ఎంవీఎస్‌ పార్వతి ఆధ్వర్యంలో జరిగిన కార్యక్రమంలో పోషక పదార్థాలతో లోగోను ప్రదర్శించారు. ఈ సందర్భంగా పార్వతి మాట్లాడుతూ అంగన్వాడీ కేంద్రాలను పోషణ, సంరక్షణ, చిన్నారుల ప్రాథమిక విద్యాభివృద్ధికి కేంద్రాలుగా తీర్చిదిద్దడంతో పాటు పోషణపై ప్రతి ఒక్కరిలో బాధ్యత జవాబుదారీతనం పెంపొందించడమే లక్ష్యమన్నారు. ఎస్‌ఎన్‌పీ మెనూ చిన్నారుల విద్యాబోధన తొలి 1000 రోజుల ప్రాముఖ్యత, అభివృద్ధి ఆలస్యమైన పిల్లల గుర్తింపు, పీఎంఎంవీవై పథకం, ఏఐ స్క్రీనింగ్‌, ఏఎంసీ కమిటీల బాధ్యతలపై అవగాహన కల్పించారు. అనంతరం పోషణ మాసం ప్రతిజ్ఞ చేయించి పోషకాహారంపై గ్రామంలో అవగాహన ర్యాలీ నిర్వహించారు. కార్యక్రమంలో అంగన్వాడీ టీచర్లు కె.సుబ్బలక్ష్మి, పి.బసవమ్మ, హెల్పర్‌ ఎ.రత్తమ్మతో పాటు గర్భిణులు, బాలింతలు, కిశోర బాలికలు,చిన్నారులు పాల్గొన్నారు
