పొన్నూరులో పొట్టి శ్రీరాములు పవిత్ర స్మృతి పరిరక్షణ సమితి ఆధ్వర్యంలో ఘనంగా ఆంధ్ర రాష్ట్ర అవతరణ దినోత్సవ వేడుకలు

 పొన్నూరు మేజర్ న్యూస్:-ఆంధ్ర రాష్ట్ర అవతరణ దినోత్సవం సందర్భంగా పొన్నూరు పట్టణంలోని ఐలాండ్ సెంటర్ నందు ఉన్న అమరజీవి శ్రీ పొట్టి శ్రీరాములు విగ్రహానికి పొన్నూరు పట్టణ పొట్టి శ్రీరాముల పవిత్ర స్మృతి పరిరక్షణ సమితి ఆధ్వర్యంలో పొట్టి శ్రీరాముల  విగ్రహానికి పూలమాలలు వేసి ఘన నివాళులు అర్పించారు.ఈ కార్యక్రమానికి ముఖ్యఅతిథులుగా ఆర్యవైశ్య మహాసభ కార్యదర్శి బాపనపల్లి లక్ష్మీ ప్రభాకర్ ప్రసాదరావు, అమరజీవి శ్రీ పొట్టి శ్రీరాములు పవిత్ర స్మృతి పరిరక్షణ సమితి ఆంధ్రప్రదేశ్ రాష్ట్ర సమితి కార్యదర్శి తాటికొండ వెంకట శివరామకృష్ణ హాజరయ్యారు.ఈ సందర్భంగా వారు మాట్లాడుతూ ఆంధ్ర రాష్ట్ర సాధన కోసం 58 రోజుల పాటు ఆమరణ నిరాహార దీక్ష చేసి అసువులు బాసిన అమరజీవి శ్రీ పొట్టి శ్రీరాములు ఆంధ్ర రాష్ట్ర పిత అని కొనియాడారు. ఆయన త్యాగం ఎప్పటికీ చిరస్మరణీయమని అన్నారు అనంతరం పొన్నూరు గాంధీ బొమ్మ సెంటర్ నందు పొట్టి శ్రీరాములు విగ్రహం మరియు గాంధీ  విగ్రహాలను ఏర్పాటు చేయాలని సమితి సభ్యులు కోరారు.ఈ కార్యక్రమంలో పొన్నూరు పట్టణ ఆర్యవైశ్య సంఘం మాజీ అధ్యక్షులు కారుమూరి ప్రకాష్, పొన్నూరు పట్టణ అధ్యక్షులు తాటికొండ ఉమామహేశ్వరరావు, కోశాధికారి కర్నాటి వెంకటేశ్వర్లు, పొన్నూరు పట్టణ ఆర్యవైశ్య యువజన సంఘం అధ్యక్షులు సాధు కిషోర్, కార్యదర్శి కర్నాటి కృష్ణ ప్రసాద్, బొద్దులూరి రంగారావు, మద్దాలి నాగేశ్వరరావు, వాసవి క్లబ్ పొన్నూరు అధ్యక్షులు పోలిశెట్టి విజయకుమార్, కార్యదర్శి వేలంపల్లి ప్రవీణ్, గుంటూరు జిల్లా కార్యవర్గ సభ్యులు పొట్టి రామకృష్ణ రావు, అవ్వారు ఆదిమ సత్రం ట్రస్ట్ బోర్డ్ చైర్మన్ అవ్వారు వెంకటేశ్వర్లు, కొమ్మూరి భీమేశ్వరరావు, వేలంపల్లి జనార్దన్ రావు, భవిరిశెట్టి వెంకటేశ్వర్లు, ఆత్మకూరి నాగమల్లేశ్వరరావు, ఆత్మకూరు రూపేష్, గుంటూరు రవికుమార్ మరియు పలువురు పొన్నూరు పట్టణ ఆర్యవైశ్య సంఘ నాయకులు పాల్గొని కార్యక్రమాన్ని విజయవంతం చేశారు.

 పొన్నూరు నేటి దినపత్రిక సూర్య రిపోర్టర్ :- శిలార్