పంచాయతీ ఎన్నికల నామినేషన్ల ప్రక్రియ కు పటిష్ట భద్రతా ఏర్పాట్లు

జిల్లా ఎస్పీ తుషార్ డూడి

చిత్తూరు ప్రతినిధి మేజర్ న్యూస్. పంచాయతీ ఎన్నికల నామినేషన్ల ప్రక్రియ నేపథ్యంలో జిల్లాలో శాంతిభద్రతల పరిరక్షణకు, ఎన్నికల ప్రక్రియ సజావుగా సాగేందుకు పోలీస్ శాఖ పటిష్టమైన భద్రతా ఏర్పాట్లు చెప్పడం జరిగిందని జిల్లా ఎస్పీ తుషార్ డూడి శనివారం ఒక ప్రకటనలో తెలిపారు. నామినేషన్ దాఖలు చేసే అభ్యర్థితో పాటు కేవలం ఇద్దరు ప్రతినిధులకు మాత్రమే నామినేషన్ కేంద్రం లోకి అనుమతి ఉంటుందని స్పష్టం చేశారు. నామినేషన్ కేంద్రాల వద్ద ర్యాలీలు, ఊరేగింపులు, గుంపులుగా చేరడం, నినాదాలు చేయడం, ప్రచార కార్యక్రమాలు నిర్వహించడం పూర్తిగా నిషేధమని తెలిపారు. నామినేషన్ కేంద్రాల పరిసరాల్లో 100 నుంచి 200 మీటర్ల పరిధిలో జనసమూహాలు గుమిగూడకుండా పోలీసు అధికారులు నిరంతరం పర్యవేక్షిస్తుంటారని తెలిపారు.జిల్లా వ్యాప్తంగా పోలీస్ యాక్ట్ సెక్షన్ 30 బి ఎం ఎస్ ఎస్ సెక్షన్ 163 కింద నిషేధాజ్ఞలు అమల్లో ఉన్నాయని తెలిపారు. నామినేషన్ కేంద్రాల వద్ద సీసీ కెమెరాలు, డ్రోన్ కెమెరాల ద్వారా నిరంతర నిఘా ఏర్పాటు చేయడంతో పాటు ఎలాంటి అవాంఛనీయ సంఘటనలు చోటుచేసుకోకుండా ప్రత్యేక పోలీసు బందోబస్తు నిర్వహిస్తున్నట్లు వెల్లడించారు.ఎన్నికల నియమావళిని ఉల్లంఘించినా, శాంతిభద్రతలకు విఘాతం కలిగించినా, చట్టవిరుద్ధ కార్యకలాపాలకు పాల్పడినా సంబంధిత వ్యక్తులపై చట్టప్రకారం కఠిన చర్యలు తీసుకుంటామని హెచ్చరించారు.

చిత్తూరు ప్రతినిధి మేజర్ న్యూస్.