ప్లాస్టిక్ కవర్లు, గ్లాసుల వాడకం దారులు పై భారీ జరిమానా
బొబ్బిలి, సూర్య: బొబ్బిలి మున్సిపాలిటీ లో ప్లాస్టిక్ కవర్ లు, గ్లాసుల అమ్మకం దారులపై భారీ జరిమానా విధించడం జరుగుతుందిని మున్సిపల్ కమిషనర్ ఎల్ రామలక్ష్మి తెలిపారు. ఈ మేరకు కమిషనర్ శ్రీమతి ఎల్. రామలక్ష్మి ఆదేశాల మేరకు శానిటరీ ఇన్స్పెక్టర్ వారి ఆధ్వర్యంలో అన్ని సచివాలయాల వార్డు శానిటేషన్ అండ్ ఎన్విరాన్మెంటల్ సెక్రటరీలు మరియు పబ్లిక్ హెల్త్ మేస్త్రీలు పాలిథిన్ మరియు సింగిల్ యూస్ ప్లాస్టిక్ వినియోగిస్తున్నట్లు గా గుర్తించారు.ఈ మేరకు పాత బొబ్బిలి, గొల్ల వీధి మరియు అప్పయ్యపేట ప్రాంతాలలో ఉన్న షాపులపై గత రెండు రోజులుగా నిర్వహించిన దాడులలో వాటర్ ప్యాకెట్, సింగిల్ యూజ్ ప్లాస్టిక్ మరియు పాలిథిన్ కవర్ లను గుర్తించి సీజ్ చేయుట జరిగినది. ఈ దాడుల్లో వాటర్ ప్యాకెట్ బస్తాలు మరియు డిస్పోజబుల్ గ్లాసులు వాడుతూ పట్టుబడిన వారిపై రూ.5,000/- లు వరకు జరిమానా విధించడం జరిగినది. ఇకపై పట్టణ పరిధిలో ఎవరైనా నిషేధిత ప్లాస్టిక్ మరియు పాలిథిన్లను వినియోగించినట్లయితే జరిమానా విధించుటయే కాకుండా కేసులు నమోదు చేసి కోర్టుకు సబ్మిట్ చేయబడతాయని ఈ సందర్భంగా కమిషనర్ గారు తెలియజేశారు.
ప్లాస్టిక్ నిషేధం విషయంలో దాదాపు 15 సంవత్సరాల చరిత్ర కలిగిన బొబ్బిలిలో ప్రజలే స్వచ్ఛందంగా ప్లాస్టిక్ వినియోగాన్ని తిరస్కరించాలని ఈ సందర్భంగా కమిషనర్ కోరారు.
