andhrapradesh
ఫీల్డ్ అసిస్టెంట్ ల సమస్యలు పరిష్కరించాలి
చీపురుపల్లి మేజర్ న్యూస్: ఉపాధి హామీ పథకంలో క్షేత్ర స్థాయిలో విధులు నిర్వహిస్తున్న తమ సమస్యలను ప్రభుత్వం పరిష్కరించాలని జాయింట్ యాక్షన్ కమిటీ డిమాండ్ చేసింది. ఈ మేరకు ఎంపీడీవో ఐ సురేష్ కు బుధవారం వినతి పత్రం అందజేశారు. కనీస వేతనం రూ.26వేలు ఇవ్వాలని, మండల, డివిజన్ స్థాయిలో బదిలీలు చెయ్యాలని, విధి నిర్వహణలో మరణించిన వ్యక్తి కుటుంబ సభ్యులకు ఎక్స్ గ్రేషియో రూ.25 లక్షలు ఇవ్వాలని డిమాండ్ చేశారు. అలాగే నగదు రహిత వైద్యసేవలు అందుబాటులోకి తేవాలన్నారు. విద్యార్హతలు ఉన్నవారికి పదోన్నతులు కల్పించాలని జాయింట్ యాక్షన్ కమిటీ సభ్యులు అప్పలనాయుడు, సూర్యారావు, ధనలక్షి తదితరులు డిమాండ్ చేశారు. వినతి పత్రం ఇచ్చినవారిలో క్షేత్ర సహాయకులు పాల్గొన్నారు.
