ఫర్టిలైజర్ డీలర్స్ యాప్‌పై శిక్షణ కార్యక్రమం జిల్లా వ్యవసాయ అధికారిణి పి సత్యవాణి
నెల్లూరు రూరల్ మేజర్ న్యూస్ : నెల్లూరు డివిజన్ పరిధిలోని వ్యవసాయ అధికారులకు, ఎరువుల డీలర్లకు ఫర్టిలైజర్ డీలర్స్ యాప్‌పై అవగాహన కల్పించేందుకు నెల్లూరులో డీఎఓ ఆఫీస్ లోని కృషి భవన్‌లో జిల్లా వ్యవసాయ అధికారిణి పి సత్యవాణి అధ్యక్షతన శిక్షణ కార్యక్రమం నిర్వహించారు.ఈ కార్యక్రమంలో ఎరువుల విక్రయాల నిర్వహణలో డిజిటల్ విధానాల ప్రాధాన్యత, ఫర్టిలైజర్ డీలర్స్ యాప్ వినియోగం, ఎరువుల నిల్వలు, విక్రయాల నమోదు, రైతులకు ఎరువుల పంపిణీ వంటి అంశాలపై అవగాహన కల్పించారు.అలాగే ఎరువుల విక్రయాల్లో పారదర్శకతను పెంపొందించడంతో పాటు, రైతులకు సకాలంలో ఎరువులు అందేలా చూడటానికి ఈ యాప్ ఉపయోగపడుతుందని అధికారులు వివరించారు. అలాగే ఎరువుల డీలర్లు యాప్‌ను సక్రమంగా వినియోగిస్తూ, ఎరువుల విక్రయాలకు సంబంధించిన వివరాలను ఎప్పటికప్పుడు నమోదు చేయాలని సూచించారు. ఈ కార్యక్రమంలో ఏ డి ఏ బి శ్రీదేవి వ్యవసాయ అధికారు లు ఎస్ వి నాగమోహన్, ఎస్ రామ మోహన్ మరియు వి ఏ ఎ లు డీలర్లు పాల్గొన్నారు.
