పెదపుల్లేరు జనసేన ఎంపీటీసీ అభ్యర్థిగా పాటూరి మోహన్

ఉండి, మేజర్ న్యూస్:ఉండి మండలం పెద్దపుల్లేరు కూటమి జనసేన ఎంపీటీసీ  అభ్యర్థిగా పెదపుల్లేరు రూరల్ బ్యాంక్ త్రిసభ్య కమిటీ డైరెక్టర్ జనసేన నాయకులు పాటూరి మోహన్ గురువారం ఉండి మండల పరిషత్ కార్యాలయంలో రిటర్నింగ్ అధికారి సంకు మురళీకృష్ణ కు నామినేషన్ దాఖలు చేశారు. ఈ సందర్భంగా జనసేన మండల పార్టీ అధ్యక్షులు వెంకటేశ్వరరావు మాట్లాడుతూ గ్రామ అభివృద్ధికి మోహన్ తన వంతు కృషి చేస్తున్నాడని అటువంటి వ్యక్తి ఎంపీటీసీగా విజయం సాధించడం గ్రామానికి అవసరమని అన్నారు. గ్రామంలో పేద ప్రజల కోసం పాటూరి మోహన్ అధునాతన ఎక్విప్మెంట్తో మెడికల్ క్యాంపు నిర్వహించి అవసరమైన పరీక్షలు చేయించి ఉచితంగా మందులు అందజేశారని అన్నారు. సీసీ కెమెరాల ఏర్పాటుకు, గ్రామంలో నూతనంగా నిర్మించిన ఆలయానికి తన వంతు సహకారం అందించారని గుర్తు చేశారు.