పరిసరాల పరిశుభ్రత తోనే దోమల నివారణ సాధ్యం

పులివెందుల మేజర్ న్యూస్ : 
స్థానిక నగరిగుట్ట అర్బన్ ప్రాథమిక ఆరోగ్య కేంద్రం   లో గురువారం దోమల ద్వారా వ్యాపించే వ్యాధులు, వాటి నివారణపై అవగాహన సదస్సు నిర్వహించారు. ఈ కార్యక్రమాన్ని వైద్యాధికారి డాక్టర్ స్నేహ ప్రత్యూష, సబ్ యూనిట్ అధికారి సిద్దయ్య ఆధ్వర్యంలో చేపట్టారు.
ఈ సందర్భంగా వైద్యాధికారి మరియు ఇతర అధికారులు మాట్లాడుతూ... వర్షాకాలం, శీతాకాలాల్లో దోమల వల్ల డెంగ్యూ, మలేరియా, చికెన్‌గున్యా వంటి ప్రాణాంతక వ్యాధులు ప్రబలే ప్రమాదం ఉందని హెచ్చరించారు.
*ముఖ్య సూచనలు:*

*దోమలు పుట్టకుండా:*  ఇళ్ల పరిసరాల్లో నీరు నిల్వ ఉండకుండా చూసుకోవాలి. పాత టైర్లు, కొబ్బరి బొండాలు, కూలర్లలో నీటిని ఎప్పటికప్పుడు తొలగించాలి.
*దోమలు కుట్టకుండా:*  రాత్రి వేళల్లో దోమతెరలు,  ఒళ్లంతా కప్పే దుస్తులు ధరించాలని సూచించారు.
*ఫ్రైడే - డ్రైడే:*  ప్రతి శుక్రవారం "ఫ్రైడే - డ్రైడే"గా పాటించి ఇళ్లలోని నీటి తొట్లు, డ్రమ్ములను ఖాళీ చేసి, ఎండబెట్టి తిరిగి శుభ్రమైన నీటిని నింపుకోవాలని పిలుపునిచ్చారు. 
అనంతరం సబ్ యూనిట్ అధికారి సిద్దయ్య నగరిగుట్ట ల్యాబ్ రోటరీ సందర్శించి రికార్డులు పరిశీలించడమైనది 
ఈ కార్యక్రమంలో డిప్యూటీ హెల్త్ ఎడ్యుకేషన్ ఆఫీసర్ హెప్సిభా, ఆరోగ్య కార్యకర్తలు, ఆశా కార్యకర్తలు మరియు సిబ్బంది, ప్రజలు పాల్గొన్నారు.

పి కృష్ణ పులివెందుల స్టాప్ రిపోర్టర్ కడప జిల్లా