పలువురిని పరామర్శించిన డాక్టర్ రాజశ్రీ :ఆరోగ్య పరిస్థితులను అడిగి తెలుసుకుని, కుటుంబ సభ్యులకు ధైర్యం
సీతానగరం, మేజర్ న్యూస్, :రాజమహేంద్రవరం ఆస్పత్రుల్లో చికిత్స పొందుతున్న సీతానగరం, కోరుకొండ మండలాలకు చెందిన పలువురిని మాజీ ఎమ్మెల్యే జక్కంపూడి రాజా సతీమణి డాక్టర్ రాజశ్రీ మంగళవారం పరామర్శించారు. వారి ఆరోగ్య పరిస్థితులను అడిగి తెలుసుకుని, కుటుంబ సభ్యులకు ధైర్యం చెప్పారు.
రాజమహేంద్రవరం చక్ర ఆస్పత్రిలో ఊపిరితిత్తుల సమస్యతో చికిత్స పొందుతున్న సీతానగరం మండలం మొగ్గల గ్రామానికి చెందిన ప్రగడ లక్ష్మిని డాక్టర్ రాజశ్రీ పరామర్శించి, ఆమె ఆరోగ్య పరిస్థితిని అడిగి తెలుసుకున్నారు.
అదేవిధంగా, కిమ్స్ ఆస్పత్రిలో గుండె సంబంధిత సమస్యతో చికిత్స పొందుతున్న సింగవరం మాజీ ఎంపీటీసీ సభ్యుడు కొమిరిశెట్టి వెంకటేశ్వరరావును పరామర్శించి, ఆరోగ్య పరిస్థితిపై ఆరా తీశారు.
రాజమహేంద్రవరం సాయి ఆస్పత్రిలో చికిత్స పొందుతున్న కోరుకొండ మండలం కాపవరం గ్రామానికి చెందిన అంబటి కృష్ణను కూడా డాక్టర్ రాజశ్రీ పరామర్శించారు. ఆయన ఆరోగ్య పరిస్థితిని అడిగి తెలుసుకోవడంతో పాటు, వైద్యులతో మాట్లాడి అందుతున్న వైద్య సేవల వివరాలను తెలుసుకున్నారు.
