andhrapradesh
కోనసీమకు ఈ రాత్రి కాళరాత్రేనా..! ఆర్నబ్ తుఫాన్ ఎఫెక్ట్..
తుఫాను ధాటికి కోనసీమ తీరప్రాంతాలు వణికిపోతున్నాయి. ఇవాళ కోనసీమకు 'కాళరాత్రి'గా మారనుండటంతో యంత్రాంగం తీవ్ర అప్రమత్తమైంది. సముద్రంలో అలల ఉద్ధృతి విపరీతంగా పెరగడంతో జిల్లా వ్యాప్తంగా తీర ప్రాంతాల్లో హైఅలర్ట్ ప్రకటించారు.
యానాం నుంచి కాకినాడ వరకు భారీ ఉప్పెన వచ్చే ప్రమాదం ఉందని వాతావరణ శాఖ హెచ్చరించింది. తీరంలో దాదాపు 2.5 మీటర్ల ఎత్తు వరకు అలలు ఎగసిపడుతుండటంతో తీర ప్రాంత ప్రజలు భయాందోళనలకు గురవుతున్నారు.
ముఖ్యంగా ఉప్పాడ తీరంలో సముద్రం విరుచుకుపడుతూ ఉవ్వెత్తున అలలు ఎగసిపడుతున్నాయి. తీరం ముంపునకు గురయ్యే ప్రమాదం ఉండటంతో ముందు జాగ్రత్త చర్యగా ఉప్పాడ బీచ్ రోడ్డులో వాహనాల రాకపోకలను అధికారులు పూర్తిగా నిలిపివేశారు. ప్రజలు ఎవరూ తీరప్రాంతాలకు రావద్దని, సురక్షిత ప్రాంతాలకు తరలివెళ్లాలని అధికారులు ఆదేశించారు.
