పల్లెల ప్రగతే కూటమి ప్రభుత్వ ధ్యేయం

పల్లెల రూపురేఖలు మార్చే అభివృద్ధి పండుగ . పేద బడుగు బలహీన వర్గాల కాలనీలో మౌలిక వసతులు మెరుగుపరచడమే లక్ష్యం. వెంకటాపురంలో అభివృద్ధి పనులకు శంకుస్థాపన చేసిన డాక్టర్ గొట్టిపాటి లక్ష్మి. దర్శి మేజర్ న్యూస్. రాష్ట్రంలోని గ్రామీణ ప్రాంతాల సమగ్ర స్వరూపాన్ని మార్చి గ్రామ స్వరాజ్యం సాధన లక్ష్యంగా కూటమి ప్రభుత్వం సంక్షేమ అభివృద్ధి పథకాలను వేగవంతంగా చేస్తుందని నియోజకవర్గ టిడిపి ఇన్చార్జి డాక్టర్ గొట్టిపాటి లక్ష్మీ అన్నారు. దర్శి మండలం, తూర్పు వెంకటాపురం గ్రామంలో “పల్లె పండుగ 3.0” లో భాగంగా “విబీ జీ రాం జీ పధకం” క్రింద మంజూరైన రూ : 2 లక్షల రూపాయలతో గోకులం షెడ్ నిర్మాణానికి దర్శి టిడిపి ఇన్చార్జ్ డాక్టర్ గొట్టిపాటి లక్ష్మీ భూమి పూజ నిర్వహించారు. ఈ సందర్భంగా డాక్టర్ లక్ష్మీ మాట్లాడుతూ గ్రామాల్లో ఆధునిక మౌలిక సదుపాయాల కల్పన మెరుగైన జీవన ప్రమాణాలు నిరంతర ఉపాధి అవకాశాలను సృష్టించడం ద్వారా పల్లెలను స్వయం సమృద్ధి కేంద్రాలుగా తీర్చేందుకు యంత్రాంగం నడుము బిగించిందని ,పాలనను ప్రజల ముంగిటకు చేర్చి అభివృద్ధి కార్యక్రమాలను స్థానిక ప్రజలను భాగస్వామ్యం చేస్తూ గ్రామీణ ఆర్థిక వ్యవస్థకు సరికొత్త జవజీవాలను అందిస్తుందని ఆమె అన్నారు. ఈ కార్యక్రమం లో దర్శి ఏఎంసి చైర్మన్ దారం నాగవేణి - సుబ్బారావు, దర్శి మండల టిడిపి అధ్యక్షులు మారెళ్ల వెంకటేశ్వర్లు, ఏపీవో మురళి, గ్రామ టిడిపి నాయకులు కర్నాటి వెంకట నారాయణ, కర్నాటి సుబ్బారావు, జంపాల యలమంద, పిన్నిక సత్యనారాయణ, స్థానిక నాయకులు పాల్గొన్నారు.