పలాసలో ఘనంగా బాలల దినోత్సవం.

బాలసదనం బాలికలకు పెన్సిల్స్, మిఠాయిల పంపిణీ - విద్యార్థులకు న్యాయ విజ్ఞాన సదస్సు.

పలాస, నవంబర్ 14, మేజర్ న్యూస్.

బాలల దినోత్సవం పురస్కరించుకొని అధ్యక్షులు,మండల న్యాయ సేవా సంఘము మరియు జూనియర్ సివిల్ జడ్జి డివిజన్,పలాస వారి ఆదేశాల మేరకు ప్యానల్ అడ్వకేట్స్ ఆధ్వర్యంలో శనివారం ఘనంగా బాలల దినోత్సవం నిర్వహించారు.అందులో భాగంగా స్థానిక బాలసదనంలో ఉన్న బాలికలకు పెన్సిల్స్, స్కేల్, ఎరేజర్ మరియు మిఠాయిలను పంచిపెట్టారు.అనంతరం కాశీబుగ్గ జిల్లా పరిషత్ ఉన్నత పాఠశాలలో విద్యార్థులకు ప్రత్యేక న్యాయ విజ్ఞాన సదస్సు నిర్వహించారు.ఈ సందర్భంగా వక్తలు మాట్లాడుతూ విద్యార్థులకు..బాలలపై అత్యాచార నిరోధక చట్టం (పోక్సో)బాల్యవివాహ నిషేధ చట్టం,మత్తు పదార్థాలు, మాదక ద్రవ్యాల అక్రమ రవాణా నిషేధం వంటి అంశాలపై అవగాహన కల్పించారు. సమాజంలో ప్రతి ఒక్కరూ పిల్లలు బాగా చదువుకుని, సమాజ అభివృద్ధికి పాటుపడేలా చర్యలు తీసుకోవాలని తెలిపారు.ఈ కార్యక్రమంలో ప్యానల్ అడ్వకేట్స్ బీకేఆర్ పట్నాయక్, జీఎంఎస్ అనిల్ రాజు, కె. లోకేశ్వరరావు, పెంట రత్నాకర్, ఎంఈఓ సీహెచ్. శ్రీనివాసరావు, ప్రధానోపాధ్యాయులు చిన్నమ్మనాయుడు,ఉపాధ్యాయులు, విద్యార్థినీ విద్యార్థులు పాల్గొన్నారు.