పాఠశాలలను సందర్శించిన డీఈవో అయూబ్ హుస్సేన్

( మల్లికార్జున నేటి దినపత్రిక సూర్య స్టాఫ్ రిపోర్టర్)

గార్లదిన్నె మండలంలోని జెడ్పీ ఉన్నత పాఠశాలను జిల్లా విద్యాశాఖ అధికారి అయూబ్ హుస్సేన్ ఈరోజు సందర్శించారు. ఈ సందర్భంగా పాఠశాలలో నిర్వహించిన ప్రార్థన కార్యక్రమంలో పాల్గొని విద్యార్థులతో మాట్లాడారు. విద్యార్థులు క్రమశిక్షణతో విద్యనభ్యసిస్తూ ఉన్నత లక్ష్యాలను సాధించాలని సూచించారు. అనంతరం పాఠశాలలోని తరగతి గదులను పరిశీలించి విద్యార్థుల హాజరు, విద్యా ప్రగతి, బోధన విధానం తదితర అంశాలపై వివరాలు తెలుసుకున్నారు.
తదుపరి మైనార్టీ బాలుర పాఠశాలను సందర్శించిన డీఈవో, అక్కడి విద్యార్థుల విద్యా పరిస్థితులను పరిశీలించారు. పాఠశాల నిర్వహణ, విద్యార్థులకు అందుతున్న విద్యా సౌకర్యాలు, ఉపాధ్యాయుల బోధన తీరును పరిశీలించి సంబంధిత సిబ్బందికి పలు సూచనలు చేశారు. విద్యార్థుల విద్యా ప్రమాణాలను మరింత మెరుగుపరిచేందుకు నిరంతరం కృషి చేయాలని సూచించారు.