పార్టీ విధేయతకు మరోసారి పట్టం

నెల్లూరు సిటీ,మేజర్ న్యూస్ :    48వ డివిజన్ టిడిపి అభ్యర్థిగా సాబీర్ ఖాన్ సతీమణి గౌసియా బేగం.  నెల్లూరు రూరల్ ఒక్కొక్కటిగా ఖరారు అవుతున్న టిక్కెట్లు.  తెలుగుదేశం పార్టీ పట్ల విధేయత,  క్రమశిక్షణ, కష్టపడే తత్వం తెలుగుదేశం పార్టీ జిల్లా అధికార ప్రతినిధి  సాబీర్ ఖాన్ కు కలిసి వచ్చింది. మొదటినుంచి తెలుగుదేశం పార్టీలో క్రియాశీలకంగా పని చేస్తున్న సాబీర్ ఖాన్ సతీమణి షేక్ గౌసియా బేగం కు 48వ డివిజన్ అధికార పార్టీ టికెట్ కేటాయించారు. ఇది ఓసి మహిళకు కేటాయించిన సంగతి తెలిసిందే. ఈ మేరకు నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి నిర్ణయం తీసుకున్నారు. నెల్లూరు రూరల్ నియోజకవర్గానికి సంబంధించి ఒక్కొక్కటిగా టిక్కెట్లు ఖరారవుతున్నాయి. పార్టీ పట్ల అంకితభావం, ఖచ్చితంగా గెలుపొందే వారిని నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి ఎంపిక చేస్తున్నారు.