andhrapradesh
ఒంగోలు డైరీ మాజీ చైర్మన్ బాలిన రామసుబ్బారావు మృతికి మంత్రి గొట్టిపాటి సంతాపం
జె. పంగులూరు మండలం మల్లవరం గ్రామానికి చెందిన ఒంగోలు డైరీ మాజీ చైర్మన్ బాలిన రామసుబ్బారావు గుండెపోటుతో మృతి చెందడం పట్ల రాష్ట్ర విద్యుత్ శాఖ మంత్రి గొట్టిపాటి రవికుమార్ తీవ్ర దిగ్భ్రాంతి వ్యక్తం చేశారు. ఒంగోలులోని ఆయన పార్థివ దేహానికి మంత్రి నివాళులర్పించారు. అనంతరం కుటుంబ సభ్యులను పరామర్శించి, తన ప్రగాఢ సానుభూతిని తెలియజేశారు. ఈ విషాద సమయంలో కుటుంబ సభ్యులకు మనోధైర్యం కలగాలని, దివంగత బాలిన రామసుబ్బారావు ఆత్మకు శాంతి చేకూరాలని ప్రార్థించారు.
