నిరక్షరాస్యతను ఆసరాగా చేసుకుని భూములు కాజేశారంటూ ధర్నా

అనంతపురం బ్యూరో : వైసీపీ నాయకుడు, కదిరి రూరల్ మాజీ జెడ్పీటీసీ భర్త కృష్ణ నాయక్ తమ నిరక్షరాస్యతను ఆసరాగా చేసుకుని భూములను కాజేశారంటూ పలువురు గిరిజన మహిళలు ఆందోళనకు దిగారు. తమకు న్యాయం చేయాలని డిమాండ్ చేస్తూ కృష్ణ నాయక్ ఇంటి ఎదుట ప్లే కార్డులు ప్రదర్శిస్తూ ధర్నా నిర్వహించారు.

తమకు తెలియని విషయాలను ఆసరాగా చేసుకుని భూములకు సంబంధించిన వ్యవహారాల్లో మోసం చేశారని మహిళలు ఆరోపించారు. తమ భూములను తిరిగి ఇప్పించి, జరిగిన అన్యాయంపై అధికారులు సమగ్ర విచారణ చేపట్టి న్యాయం చేయాలని వారు డిమాండ్ చేశారు.

గిరిజన మహిళలు పెద్ద సంఖ్యలో ఇంటి ఎదుట ఆందోళనకు దిగడంతో అక్కడ కొంతసేపు ఉద్రిక్త వాతావరణం నెలకొంది. తమ సమస్యను అధికారులు, ప్రజాప్రతినిధులు తక్షణమే స్పందించి పరిష్కరించాలని బాధిత మహిళలు కోరారు.