నేడు వైకాపా సమావేశం..!

ఆనందపురం, సూర్య : వైకాపా భీమిలి నియోజకవర్గ సమన్వయకర్త బొత్స అనూష నేడు ఆనందపురం మండలంలో పర్యటించనున్నారు. ఉదయం 10 గంటలకు మండల మాజీ జడ్పీటీసీ కోరాడ వెంకట్రావు నివాసానికి చేరుకుని పార్టీ నాయకులు, కార్యకర్తలతో సమావేశం కానున్నారు. ఈ కార్యక్రమానికి పార్టీ శ్రేణులు పెద్దసంఖ్యలో హాజరుకావాలని ఆనందపురం మండల వైకాపా అధ్యక్షుడు బంక సత్యం పిలుపునిచ్చారు. మండలంలోని మాజీ ఎంపీపీలు, వైస్‌ ఎంపీపీలు, మాజీ సర్పంచులు, ఎంపీటీసీ సభ్యులు, పార్టీ రాష్ట్ర, జిల్లా, నియోజకవర్గ, మండల, గ్రామస్థాయి నాయకులు, అనుబంధ సంఘాల ప్రతినిధులు, కార్యకర్తలు, అభిమానులు సమావేశానికి హాజరై విజయవంతం చేయాలని ఆయన కోరారు.

రిపోర్టర్ : శ్రీనివాస్, ఆనందపురం, విశాఖపట్నం.